1 Samuel 20:30 - Hawaii Pidgin Bible

³⁰ Saul come real huhu wit Jonathan. Saul tell, “You no ack jalike my boy fo real kine! You all pupule jalike yoa muddah! Dass gotta be one hamajang wahine dat no lissen nobody! You tink I donno dat you wen pick Jesse boy fo come yoa bestes fren, o wat?! Wen you make um yoa fren, you make shame fo you an fo yoa muddah dat wen born you!

1 Samuel 20:30 ပူးပေါင်းရင်းမြစ်များ

Job 5:2

If one guy do bad kine stuff an no bodda him, An he come huhu, dat guy goin mahke. If one guy dat donno wat fo do come jealous, he goin get kill.

Smart Guys 14:29

Da guy dat stay long time so notting bodda him, He undastan plenny. Da guy dat come huhu real fas, Erybody know him stupid.

Smart Guys 15:2

Da peopo dat know wat fo do erytime, Dey make wat dey know Soun good fo erybody. Da stupid head peopo wit attitude, Ony stupid kine stuff come outa dea mout.

Smart Guys 19:12

Wen one king get mad, you betta watch out! Az jalike wen one lion make big noise. But wen da king like wat you stay do, eryting stay okay! Jalike wen da dew come on top da grass.

Smart Guys 19:19

Somebody show dey real mad erytime, Dey goin pay fo dat. Cuz if you help um get outa trouble, You gotta do da same ting ova an ova.

Smart Guys 21:24

Da peopo dat ack jalike dey real smart, An ack high makamaka, Erybody know who dem, Dat dey no mo respeck fo nobody. Wateva dey do, dey tink dey mo smart den erybody.

Smart Guys 25:28

Wen one guy no can stay so notting bodda him, He jalike one town dat stay all bus up, An no mo wall.

Smart Guys 27:3

Heavy, fo carry one big stone. An da sand mo hard fo carry. But mo heavy an mo hard, Wen get da kine guy dat do bad kine stuff an no bodda him, An he make trouble fo you!

Matthew 5:22

But I tell you guys dis: Whoeva stay huhu wit his braddah gotta come in front da judge. Whoeva tell his braddah, ‘You no good!’ gotta come in front da main leadas. But whoeva tell, ‘You stupid an good fo notting!’ gotta go to da Hell fire.

Efesus 4:31

No make jalike da kine peopo dat had it wit somebody an no like let da guy go. No get mad an snap. No stay huhu. No yell pilau kine stuff at each odda. No talk bad. Wipe out all dat kine stuff an no hate nobody no moa.

Efesus 6:4

Same same fo you faddah guys, no hassle yoa kids fo dem come huhu. Mo betta teach um right, an show um eryting Da One In Charge like um fo know an fo do.

1 Samuel 20:29

He tell, ‘Try let me go home. Cuz oua ohana goin make one sacrifice inside oua home town, an my big braddah wen tell me I betta be dea. If you my fren, an tink good kine stuffs bout me, try help me, aah? jus let me go way dis short time fo see my ohana.’ Az why David neva come yoa table.”

1 Samuel 20:31

Cuz all da time Jesse boy stay alive, no way you can stay shua bout notting, an no way you goin be king! So now, tell one a yoa guys fo go grab da buggah an bring um hea by me cuz he gotta mahke!”