1 Samuel 20:17 - Hawaii Pidgin Bible

¹⁷ An Jonathan tell David one mo time fo make dea spesho promise good, da one dat David wen make wit Jonathan befo time. Dass how Jonathan get love an aloha fo David, da same way David get love an aloha fo him.

1 Samuel 20:17 ပူးပေါင်းရင်းမြစ်များ

2 Samuel 1:26

I stay all bum out cuz you mahke, Jonathan my braddah! You wen make me feel real good inside. Yoa aloha fo me was awesome! Mo awesome den da kine love from one wahine!

Smart Guys 17:17

You get one fren, An he get love an aloha fo you all da time. You get one braddah, an he dea Fo help you wen you need um cuz get trouble.

Smart Guys 18:24

One guy dat tink he get plenny frenz Can get wipe out real fas. But get anodda kine fren dat love you An stay mo tight wit you den yoa braddah.

Jeremiah 40:9

Gedaliah, Ahikam boy an Shefan grankid, make one spesho promise fo all da army guys, fo make shua dat dey an dea guys know dis: “No worry! No sked fo work fo da Babylon guys. Stay hea inside da land, an work fo da Babylon king, an eryting goin come good fo you guys.

Rules Secon Time 13:6

If yoa braddah, yoa muddah o faddah boy, o yoa boy o girl, o yoa wife dat you love, o yoa bestes fren talk to you wea nobody can hear an like try make you like do wass kapu fo you do, an tell, “Eh! Us go down in front odda gods,” no lissen dem. You guys an yoa ancestas neva know dose gods befo time.

1 Samuel 18:1

Afta David pau talk wit Saul, Saul boy Jonathan come tight wit David cuz dey get da same kine heart an head. He get love an aloha fo David da same way Jonathan get fo him.

1 Samuel 18:3

Jonathan make one deal wit David cuz he get love an aloha fo David da same way he get fo him.