1 Samuel 20:12 - Hawaii Pidgin Bible

¹² Den Jonathan tell David, “Fo shua Da One In Charge, da God fo da Israel peopo, see me make dis promise. I goin aks my faddah bout dis, by da day afta tomorra, same time jalike now. If he good bout you, den fo shua I goin sen somebody fo tell you.

1 Samuel 20:12 ပူးပေါင်းရင်းမြစ်များ

2 Samuel 21:7

Da king no let dem kill Mefiboshet, da one dat was Jonathan boy an Saul grankid. Cuz David an Jonathan, Saul boy, wen make one strong promise in front Da One In Charge fo help each odda.

Job 31:4

God see eryting I do. He watch ery step I make.

Songs 17:3

You look inside me, An you know how I tink. Nite time, you come by me Fo tes me An see if get anyting pilau inside me, So you know no mo notting wrong. I make up my mind fo no tink bad kine tings. No way notting pilau goin come outa my mout,

Smart Guys 20:5

Wen one guy make one plan fo do someting, Hard fo tink wat da guy like do, Cuz his manao, jalike deep watta. But da kine guy dat undastan plenny, He goin know wat da odda guy stay plan, Jalike he pull up watta outa one deep well.

Joshua 22:22

“Da One In Charge, He da God wit all da powa! Da One In Charge, He da God wit all da powa! He know wat us guys do! An az good dat all da Israel peopo know too! “If us guys stay do dis ting agains Da One In Charge, an no lissen him, den no let us guys stay alive.

1 Samuel 20:11

Jonathan tell, “Go come! Mo betta we get outa hea, an go outside anodda place fo talk.” So dey go ova dea togedda.

1 Samuel 20:13

But maybe my faddah tink az good fo him hurt you. Den I like Da One In Charge punish me real good if I no let you know dat. An I goin sen you away some place wea you goin stay okay! I like Da One In Charge stay wit you, jalike he wen stay wit my faddah befo time.

1 Samuel 23:18

So da two guys make one deal in front Da One In Charge. Afta dat Jonathan go his place, but David stay Horesh side.