1 Samuel 2:6 - Hawaii Pidgin Bible

⁶ “Yeah, Da One In Charge, make peopo mahke, An make dem come alive too. Yeah, he take peopo down inside da Mahke Peopo Place, An he bring um out.

1 Samuel 2:6 ပူးပေါင်းရင်းမြစ်များ

1 Kings 17:22

Den Da One In Charge hear Elijah. Da life come back to da boy body, an he come alive.

2 Kings 5:7

Wen da Israel king read da letta, he come real bum out. He rip his clotheses fo show dat. He tell, “Wot! Dis guy tink me God, o wat?! He tink I can kill somebody an make um come back alive, o wat?! How come dis guy sen somebody by me fo me make him come good from dat kine sick?! Fo shua you guys can see, he like beef wit me!”

Job 5:18

Cuz he can hurt you, but he put bandage on you too. He can wack you, but he touch you an make you come good too.

Songs 116:3

Befo time I feel litto mo I goin mahke, Jalike get tight ropes Stay wrap aroun me. I wen feel jalike da Mahke Peopo Place Come on top me awready. I wen had it, cuz plenny trouble Come to me. An me, I stay sad inside.

Songs 30:4

Eh! All you peopo Dat stay tight wit Da One In Charge! Sing to him! Tell dat you know wat kine god him, Cuz you guys no foget Dat Da One In Charge stay good an spesho.

Songs 68:20

Oua God, he da kine God dat do plenny Fo get us guys outa trouble! He Da One In Charge a me. He do tings fo us guys no mahke!

Songs 71:20

No matta you wen make me go Thru plenny bad kine trouble, You goin make me come back alive. You goin bring me back up No matta I stay almos inside da grave.

Teacha 3:3

One time fo kill peopo An one time fo make peopo come good. One time fo bus up An one time fo build.

Isaiah 26:19

Yoa mahke guys goin come alive one mo time! Da mahke bodies a my peopo goin come up! All you guys dat was inside da dirt, Wake up an yell cuz you feel good inside! Da mahke spirits goin come alive one mo time, All new, jalike da watta dat come on top da grass Wen da light come, morning time, An jalike da earth wen make um come up.

Ezekiel 37:12

Az why Ezekiel you gotta tell dem dis message from Da One In Charge, da Boss: He tell, You guys, you my peopo! Dis wat I goin do—I ready fo open up yoa graves an bring you guys up from down dea. I goin bring you guys back inside yoa Israel land.

Ezekiel 37:3

He tell, “Eh! Fo Real Kine Guy! You tink dese bones can come back alive, o wat?” I tell, “Eh! You Da One In Charge, you da Boss! Ony you know dat!”

Matthew 12:40

Jonah wen stay inside one big fish three day an three nite. Same ting, I Da Fo Real Kine Guy, an I goin stay unda da groun three day an three nite lidat.

John 11:25

Jesus tell her, “I da Guy dat make peopo come back alive an stay live fo real kine. Whoeva trus me goin come alive, no matta dey mahke.

Rules Secon Time 32:39

“Now see, dis me, I God fo real kine! No mo anodda god but me! I can make peopo mahke, an I can give dem life. I can hurt dem an I can make dem come good. An no mo nobody can get dem Outa da kine trouble I give um.

Jesus Show 1:18

I da One dat stay alive! I wen mahke, but look! Now I stay alive foeva! I get da powa fo open da door fo da place wea da mahke peopo stay, cuz I get da key an can make mahke peopo come alive!

1 Samuel 20:3

But David tell, “Yoa faddah know fo real kine dat you like me. So, he goin figga, ‘Az not good, wen Jonathan find out wat I goin do, cuz dat goin fo real kine bum Jonathan out.’ “But still yet, jalike fo shua Da One In Charge stay alive, an you stay alive, I stay shua bout dis too: I ony get litto mo time befo I goin mahke die dead!”