1 Samuel 2:5 - Hawaii Pidgin Bible

⁵ An dose buggahs dat befo time get plenny food An come real momona, Now dey gotta bus ass fo find stuff fo eat. But da peopo dat no mo food, Now, dey no stay hungry no moa. An da lady dat no can come hapai, Now goin get seven kids. But da muddah dat get plenny boys befo, Now she no mo!

1 Samuel 2:5 ပူးပေါင်းရင်းမြစ်များ

Songs 113:9

Da One In Charge make da wahines Dat no can get kids stay good inside, Cuz he give um dea home, An now dey get kids. Eh you guys! Tell good tings Bout Da One In Charge!

Songs 34:10

Da young lions come hungry, Cuz dey no mo notting fo eat, But da peopo dat like come close To Da One In Charge, Dey goin get plenny good tings!

Isaiah 33:9

Even da Judah land look jalike stay sad inside An plenny tired. Lebanon side, da trees look jalike dey come shame, An da leaf look jalike stay dry. Sharon side, no mo rain, Stay jalike da dry Arabah valley. Bashan an Carmel side, Da plants leaf, all stay fall down.

Isaiah 54:1

“Eh, my peopo! Sing an yell cuz you stay good inside! Cuz befo time, you guys Was jalike one wahine dat no mo her kids yet, Dat neva feel da sore from born one bebe. But now, eryting goin come good fo you guys, Jalike if dat wahine dat neva born one bebe, Now her get mo plenny kids Den da wahine dat get husban.” Dass wat Da One In Charge tell.

Jeremiah 15:9

Even da muddahs dat wen born seven boys Goin come weak an pass out. All dea boys gone awready. Jalike da sun no shine fo dem no moa, even if stay day time. Dey goin come shame, an donno wat fo do! Da res a da guys dat stay alive still yet I goin make da guys dat stay agains dem make war an kill um.” Az da message from Da One In Charge.

Luke 1:53

He stay give da hungry peopo Good stuff fo eat, An he stay sen away da rich guys Wit notting.

Luke 16:25

“But Abraham tell, ‘My boy, no foget wen you was alive, you get all da good kine stuff, an Lazarus suffa all da bad kine stuff. Now he stay good ova hea wit God, an you stay suffa inside da fire.

Galatia 4:27

You know, da Bible tell, “You, da one wahine dat no mo kids, Yell cuz you stay good inside. You neva feel sore from born one bebe. She can bus out an make big noise. Cuz da wahine dat no mo kids, Bumbye she goin get mo plenny kids Den da wahine dat live regula kine wit her husban.”

Ruth 4:15

“Eh Naomi! Dis bebe, He goin make you feel Jalike you young one mo time! He goin take kea you wen you ol! Cuz he come from yoa daughtah-in-law, Dat get plenny love an aloha fo you. She make um mo betta fo you den seven boys!”

1 Samuel 1:20

Bumbye, she come hapai, an born one boy. She name da boy Samuel. She call um dat, cuz she tell, “I wen aks Da One In Charge fo him!”

1 Samuel 1:6

But Peninnah—Eh! She no mo respeck fo Hannah. She make any kine to Hannah, an make Hannah come plenny sore inside, jus cuz Da One In Charge no let Hannah come hapai.