1 Samuel 2:3 - Hawaii Pidgin Bible

³ “Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!

1 Samuel 2:3 ပူးပေါင်းရင်းမြစ်များ

1 Kings 8:39

Den I like you lissen from da sky wea you stay, An let um go from da bad tings dey wen do, An hemo dea shame, An help um! Ony you know how all dem stay inside, So help all dem, da way dey need help!

Job 31:6

Den let God weigh me wit da kine scales Dat show if I tell da trut, o I bulai. He goin know dat I no mo da blame fo make lidat.

Songs 147:5

Oua Boss, he big! He real strong! He undastan mo plenny Den us can undastan!

Songs 17:10

Dem guys, dey no mo pity fo nobody. Dey talk big bout dea life Jalike dey tink dey God!

Songs 31:18

Get peopo dat ack high makamaka kine, An tink dey mo betta den erybody. Dey no shame fo talk bad Bout da peopo dat do wass right. But dey erytime bulai. Mo betta dey shut up, Jalike somebody tie up dea mout.

Songs 44:21

You tink God neva know dat, O wat?! Cuz he da One know eryting Dat us stay hide inside us. But dass not how was.

Songs 75:5

No go shake yoa fis at da sky O make tantaran, Jalike like you da ony one Get da right fo talk!’ ”

Songs 94:4

Da tings dey tell cuz dey tink dey big Come out plenny from dea mout, An no bodda dem! All dem crooked guys stay talk big Bout da bad tings dey do.

Smart Guys 16:2

Erybody tink notting wrong Wit da way dey live. But Da One In Charge, he know eryting inside peopo, How come dey tink how dey tink, An he know if good o bad.

Smart Guys 24:12

An if you make Like you neva know notting, Fo shua, Da One In Charge know How you stay inside. An he goin know How come you neva do someting, O if you neva know fo real kine. An da same way erybody make, Az how Da One In Charge goin pay um back.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Isaiah 26:7

Whoeva do da right kine stuff, You make da way dey go not hard. You da God dat do da right kine tings. You make da road easy Fo peopo follow, dat do da right kine stuff.

Isaiah 37:23

“ ‘Who you wen make shame, Sennakerib?! Who you talk bad bout, aah?! You wen go talk strong agains me! You tink you mo betta den me, Da Good An Spesho God fo da Israel peopo!

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Ezekiel 35:13

You guys talk big agains me, an you no hold back wat you tell notting. But me, I hear all dat awready!’ ”

Daniel 4:37

“Now me, Nebukadnezzar da King, I talk good bout da King Inside Da Sky, an tell dat he awesome. Eryting he do stay right. Anybody live his way, dey goin do da right ting too. An he can make da guys dat ack jalike dey big head guys come notting.”

Daniel 5:27

“ ‘tekel’ mean dat jalike God weigh you on one weight scale an find out you no weigh enuff.

Malakai 3:13

Da One In Charge tell, “You guys, you talk bad about me!” But you guys tell, “Wot, us guys talk bad about you?! No way!”

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.

Joshua 22:22

“Da One In Charge, He da God wit all da powa! Da One In Charge, He da God wit all da powa! He know wat us guys do! An az good dat all da Israel peopo know too! “If us guys stay do dis ting agains Da One In Charge, an no lissen him, den no let us guys stay alive.

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Local Leadas 9:38

Den Zebul tell um, “So! You still like talk big now, o wat?! You wen tell, ‘Who dis buggah Abimelek, dat us guys gotta let him stay in charge a us?’ Dese da guys, you wen make fun a dem befo time! Now, go out an fight um!”

1 Samuel 16:7

But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”