1 Samuel 2:26 - Hawaii Pidgin Bible

²⁶ Same time, da boy Samuel stay grow mo an moa. An Da One In Charge an da peopo tink good stuff bout Samuel.

1 Samuel 2:26 ပူးပေါင်းရင်းမြစ်များ

Start 39:4

Az why Potifar like Joseph plenny. He make Joseph his right hand guy. He put um in charge a eryting inside da house dea, an eryting he get.

Smart Guys 3:3

Make shua you stay tight wit yoa good frenz An show love an aloha erytime. Make shua peopo can trus you. You make lidat all da time, Dat make you look good, Jalike wen you put on one jewelry on yoa neck. Learn da Rules from God real good, Fo you no foget um an you keep um inside you. Cuz inside, az jalike one book An you stay write inside um.

Smart Guys 3:4

An God, he like wen you do all dat, An peopo same ting dey like dat. An bumbye, erybody goin know you one good guy, An God, he goin know dat too.

Luke 1:80

Da boy John grow up, an his spirit come strong. He live inside da boonies till da day he come out an da Israel peopo see him.

Luke 2:40

Da boy grow an come strong. He come akamai, an God do good tings fo him.

Luke 2:52

An Jesus grow mo an mo fo know wat fo do erytime, an grow up mo an moa. An God an all da peopo tink good bout him.

Jesus Guys 2:47

Dey tell God “Mahalo plenny!” an tell how good he stay. An all da odda peopo talk good bout dem. Ery day Da One In Charge bring odda peopo aroun dat he take outa da bad kine stuff dey do.

Rome 14:18

Anybody dat live da way I jus wen tell you fo live, dey da ones dat get Christ fo dea boss, an dey goin make God stay good inside. Odda peopo goin get respeck fo dem too.

Local Leadas 13:24

Wen da wahine born one boy, she name him Samson. Da boy grow up, an Da One In Charge do plenny good stuff fo him.

1 Samuel 2:21

Da One In Charge no foget Hannah. Afta dat, she born three boys an two girls. An same time, da boy Samuel grow up in front Da One In Charge.

1 Samuel 3:19

Da One In Charge stay wit Samuel all da time he stay grow up. An Da One In Charge make shua dat eryting Samuel wen tell, happen.