1 Samuel 2:1 - Hawaii Pidgin Bible

¹ Den Hannah pray lidis: “Da One In Charge make me feel real good inside. Cuz a all da stuff he wen do, az why I stay feel lidat now! An now I real strong so I no need worry notting. An I no shame fo face da peopo dat stay agains me an talk big agains dem. Cuz you da One dat get me outa trouble, I stay good inside!

1 Samuel 2:1 ပူးပေါင်းရင်းမြစ်များ

2 Records 20:27

Den Jehoshafat lead all da Judah an Jerusalem guys back Jerusalem side. Da One In Charge make dem stay real good inside, cuz da guys dat hate dem wen come wipe out.

Nehemiah 11:17

Mattaniah, Mika boy, wit ancestas Zabdi an Asaf, was da leada dat help da peopo start fo tell God “Mahalo plenny!” an pray to God, an His helpa guy was Bakbukiah, an had Abda Shammua too wit ancestas Galal an Jedutun.

Job 16:15

“I wen sew burmbag cloth ova my scabby skin Fo make um stay dea long time. I bury my face inside da dirt, Fo show I stay all wipe out.

Songs 118:14

Da powa I get, come from Da One In Charge. He make me strong wen I fight. He wen come da One Dat get me outa trouble.

Songs 13:5

But me, I stay trus you, you know. You goin stay tight wit me cuz I yoa guy. Bumbye you goin get me outa trouble, An I goin dance an sing.

Songs 148:14

Da One In Charge Stay make his peopo come strong. Dass how come Peopo tell good tings— All da ones dat stay tight Wit Da One In Charge, Da Israel ohana peopo, Da peopo dat stay tight wit him. Eh you guys! Tell good tings Bout Da One In Charge!

Songs 18:2

Da One In Charge, he make shua notting bad happen to me, Jalike he one solid rock mountain an one strong wall. He jalike one big solid rock, Fo me go by him fo hide me. He real strong, Jalike he one shield dat no let nobody touch me. He jalike one big wall.

Songs 20:5

Eh King! Wen God make you win da war, Us guys goin make big noise cuz we stay good inside, An we goin wave flag Cuz we know wat kine god we get. I like Da One In Charge make eryting happen Dat you aks him fo do.

Songs 21:2

You wen give da king da ting he like get da mostes. You neva hold back notting dat he tell you he like. (Time out fo da music.)

Songs 35:9

Den, I goin come real good inside cuz a Da One In Charge, An I goin feel real good Cuz he get me outa trouble.

Songs 51:15

Eh Boss! Let me tell good tings bout you An tell peopo how awesome you stay!

Songs 71:8

Da ony ting I talk bout Is dat you da greates! All day, I talk bout How awesome you stay.

Songs 75:10

God tell: “Da peopo dat stay do bad kine stuff, I goin take away all dea powa. Da peopo dat stay do wass right, I goin give dem plenny mo powa.”

Songs 89:17

Dass cuz you da One Dat make yoa peopo stay strong an awesome. All us guys stay strong Cuz you do good tings fo us guys.

Songs 89:18

Fo shua, you Da One In Charge, An you wen give us guys da king Dat take kea us guys jalike one shield. You da One dat stay good an spesho, Dat help us Israel peopo, An dat wen give us da king.

Songs 89:24

David goin know fo trus me Cuz erytime I do wat I tell. He goin know dat I stay tight wit him. Cuz he my guy, he goin come Mo an mo strong.

Songs 9:14

So wen I go back Zion Town, I goin tell bout all da awesome tings you do! I goin show dat I stay good inside Cuz you wen get me outa trouble.

Songs 92:10

You wen make me come real strong, Jalike da big wild bulls. You give me one haku lei fo my head, Fo show you get aloha fo me.

Outa Egypt 15:1

Den Moses an all da Israel peopo sing fo Da One In Charge lidis: “I like make one song fo Da One In Charge, Cuz he awesome, da way he show how big he stay! He wen throw da horses an da guys dat ride um inside da sea.

Outa Egypt 15:21

Miriam, she give um dis song fo sing back to her: “I sing fo Da One In Charge! He awesome fo real kine! Da horses an da guys dat ride um, God throw um all inside da Red Sea!”

Habakkuk 3:1

Habakkuk, da guy dat talk fo God, pray wit music:

Habakkuk 3:18

Still yet I goin stay good inside Cuz a Da One In Charge. I goin dance an sing Cuz God, he da One Get me outa trouble!

Luke 1:69

He give us one Guy dat get da powa Fo get us outa da bad kine stuff we stay in. Dat Guy come from King David ohana, Da king dat work fo God.

Rome 5:11

An get one mo ting! Cuz Da One In Charge, Jesus Christ, wen mahke fo us guys an make pono wit us guys, us can talk big bout God.

Rules Secon Time 33:17

Da Joseph ohana, dey big an strong, Jalike one king, Jalike one bull dat born firs. Da Joseph ohana get plenny powa, Jalike one wild cow dat get big horn, An wit da horn dey poke all da diffren peopos same time, Even da one dat stay Da mos far place on top da earth. Az how da ten tousan Efraim ohana peopo dat come from Joseph stay, An da tousans inside da Manasseh ohana dat come from Joseph.”

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Philippi 4:4

Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!

Philippi 4:6

Eh, no worry bout notting! Mo betta, eryting dat happen, pray bout um, an go aks God fo do wateva you guys like him fo do. An same time, no foget tell him, “Mahalo plenny!”

1 Peter 1:8

No matta you guys neva see Jesus, still yet you get love an aloha fo him. You guys still no can see him, but still yet you guys trus him. You guys feel real good inside, mo plenny den you can tell.

Jesus Show 18:20

Den I hear dis: “Eh! All you peopo dat stay wit God inside da sky, Stay good inside bout wat wen happen! God spesho peopo, an da guys dat God wen sen all ova, An da guys dat talk fo God, Stay good inside! Da Babylon peopo wen make any kine to you guys, But God wen come fo judge dem!”

1 Samuel 1:6

But Peninnah—Eh! She no mo respeck fo Hannah. She make any kine to Hannah, an make Hannah come plenny sore inside, jus cuz Da One In Charge no let Hannah come hapai.

1 Samuel 1:7

Plenny year, weneva dey all go Da One In Charge house, same ting: Peninnah make plenny trouble fo Hannah, so dat Hannah cry plenny, an she no like eat notting.