1 Samuel 18:18 - Hawaii Pidgin Bible

¹⁸ But David tell Saul, “Eh, I nobody, an my faddah ohana, not importan! No way I goin get you, da king, fo my faddah-in-law!”

1 Samuel 18:18 ပူးပေါင်းရင်းမြစ်များ

2 Samuel 7:18

Den King David go inside da tent an sit down in front Da One In Charge. He tell: “Eh! you da Boss, Da One In Charge! But I donno how come you wen do all dis fo me awready! Cuz I notting, an my ohana, us notting!

1 Kings 4:15

Ahimaaz, fo Naftali side. (He wen marry Solomon girl Basemat.)

Outa Egypt 3:11

Moses, he tell God, “You figga I can go by Pharaoh an jus take da Israel peopo outa Egypt, o wat?!”

Smart Guys 15:33

You stay sked a Da One In Charge, You goin learn how fo know wat fo do cuz a dat, An how fo do da right ting erytime. Wen you no make high makamaka kine, Den peopo goin get respeck fo you.

Smart Guys 18:12

Wen one guy tink he too good fo erybody, Real fas, he goin come wipe out. Wen one guy no ack high makamaka, Real fas, peopo goin get respeck fo him.

Jeremiah 1:6

Me, Jeremiah, tell, “You Da One In Charge, you da Boss. But fo shua, I donno how fo talk good! I ony one young guy, you know!”

Ruth 2:10

Ruth, she go down quick by Boaz feet an put her face on top da groun fo show um respeck. She tell um, “Eh mista, mahalo plenny! How come you stay good to me an even talk to me? I ony one wahine from anodda country, you know.”

1 Samuel 18:23

Az why da helpa guys go talk to David wen da odda peopo no can hear, an tell um wat da king wen tell. But David tell, “You guys tink, az one small kine ting fo marry one wahine from da king ohana, o wat? Cuz I ony one guy dat no mo notting, you know. An I not even importan!”

1 Samuel 9:21

But Saul tell him, “Me?! I ony one guy from da Benjamin ohana, da mos small ohana inside Israel. An my blood line, da mos small from all da odda families inside da Benjamin ohana. How come you stay telling me dis?”