1 Samuel 17:47 - Hawaii Pidgin Bible

⁴⁷ All dese guys dat stay hea goin know dat Da One In Charge no need sword o spear fo get his peopo outa trouble. Cuz Da One In Charge da one goin win dis fight. He goin give us guys da powa fo win ova you guys!”

1 Samuel 17:47 ပူးပေါင်းရင်းမြစ်များ

2 Kings 5:15

Den Naaman an all his army guys go back by Elisha, da guy dat stay tight wit God. He stan in front Elisha, an tell, “Fo shua, now I know, dat no mo anodda God inside da whole world dat stay fo real kine! Ony get da one inside Israel. So boss, try let me do someting good fo you.”

2 Records 14:11

Den Asa call out to his God, Da One In Charge, fo help. He tell, “Da One In Charge, you help peopo, no matta dey get plenny guys o dey not strong! Da One In Charge, you oua God. So help us guys, cuz we need you fo make us strong. We da peopo dat get yoa name, an dass why we goin go agains dis big army. Da One In Charge, you oua God. No let peopo win ova you!”

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Hosea 1:7

Mo betta, I goin show pity fo da Judah ohana, an I goin get dem outa trouble. But I no goin do dat wit bows an arrows, o swords, o war, o wit da guys dat ride da horses. I dea God, Da One In Charge, so I no goin need all dat fo me get um outa trouble.”

Zekariah 4:6

Az why he tell me, “Dis wat Da One In Charge, Da God Ova All Da Armies, tell Zerubbabel da pries guy: Wat you goin do, you no can do um jus cuz you strong, o get plenny powa! Da ony way you can do um, is cuz my Spirit give you da powa!

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

Rome 8:37

Cuz Christ get love an aloha fo us guys to da max, no matta wat kine trouble get, dat no bodda us, cuz we da winnas fo shua!

Joshua 10:8

Da One In Charge tell Joshua, “No sked dem. I goin help you guys win ova dem. Dey no can stan agains you guys.”

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”

1 Samuel 18:17

Anodda time, Saul tell David, “Hea, take my older girl, Merab. I goin give her to you fo marry. Ony work fo me, an fight fo Da One In Charge, an no come sked.” Saul talk lidat cuz he stay figga, “I no need go agains dis guy fo kill um, cuz da Filisha army guys goin do dat fo me!”