1 Samuel 17:4 - Hawaii Pidgin Bible

⁴ Had one real strong guy name Goliat from Gat. He stay nine feet eight inch tall. An erytime he fight, he win. He come out from da Filisha camp, an stan wea da two armies can see um.

1 Samuel 17:4 ပူးပေါင်းရင်းမြစ်များ

1 Records 11:23

An he da one wen kill one big Egypt guy dat stay seven an a half feet tall. No matta da Egypt guy get one spear inside his hand, da wood part big, jalike da kine beam dat da peopo dat weave cloth use fo move da strings, Benaiah wen go agains him wit one stick. He grab da spear from da Egypt guy hand, an kill da Egypt guy wit dat spear.

Amos 2:9

“Neva mind was me dat wen wipe out da Amor peopo Fo you Israel peopo live hea. Da Amor peopo was tall, jalike da cedar tree, Strong, jalike da oak tree. But I wen wipe dem out Jalike I wipe out all dea fruits from da branches An dea roots from undaneat da groun too.

Rules Secon Time 3:11

(Ony Og, da king fo Bashan, stay dea from da odda Refa peopo, wen he mahke. Og get one iron punee thirteen feet long an six feet wide. Dat punee still yet stay dea inside Rabbah town wea da Ammon peopo live.)

Joshua 11:22

No mo no Anak peopo lef inside Israel, ony inside Gaza, Gat, an Ashdod still had litto bit Anak peopo.

1 Samuel 17:23

Wen he stay talk wit dem, right den an dea, Goliat, da Filisha guy from Gat, come out from da Filisha guys line to da middo. An he yell to da Israel guys wat he erytime tell. Dis time David hear um.

1 Samuel 17:3

Da Filisha guys stay on top one hill, an da Israel guys on top anodda hill, an get one stream in da middo.

1 Samuel 17:5

He wear one bronze helmet, an one body armor wit plenny small piece bronze metal, put togedda jalike fish scale, dat weigh one hundred twenny-five poun.

1 Samuel 27:4

Somebody tell Saul dat David wen run away Gat side. Az why he no look fo David dis time.