1 Samuel 17:12 - Hawaii Pidgin Bible

¹² David, he Jesse boy. Jesse, from Efratah (dass da ol name fo Betlehem town inside Judah, you know). Jesse get eight boys. He real ol wen Saul stay king.

1 Samuel 17:12 ပူးပေါင်းရင်းမြစ်များ

Start 35:19

Rachel mahke an dey bury her nea da road dat go by Efratah town, dass Betlehem.

2 Samuel 23:1

Dis da las poem David wen make fo da peopo: “Dis da message fo my peopo from me, King David. My faddah, Jesse. Dis da message from me, Da guy dat God wen make importan, Da one God wen tell Samuel put oil on top my head Fo show God wen pick me. Az da same God Jacob wen pray to, you know! Dis da guy dat make sweet songs Fo da Israel peopo.

Songs 132:6

Us guys wen hear wat David like do, Wen we stay Efratah side, An we wen find da Box Fo No Foget Da Deal Wit God, Wen we go nea Kiriat-Jearim.

Micah 5:2

But you peopo from da Efratah ohana Betlehem town, No matta peopo tink da tousans a odda Judah guys Mo importan den yoa ohana! But az Betlehem wea da guy goin come from, Dat goin lead da Israel peopo fo me! He stay from befo time, long time awready.

Matthew 1:6

An Jesse, he King David faddah. Den had fourteen faddahs from David till dey come prisonas Babylon side: David, he Solomon faddah. An Solomon muddah Batsheba, befo dat she Uriah wife.

Matthew 2:1

Jesus, he born Betlehem town, Judea side. Herod, he da king dat time. An you know wat? Had dese smart guys dat know plenny bout da stars. Dey come Jerusalem town from one far place, from da east side. Dey tell,

Matthew 2:6

“ ‘Eh! You Betlehem guys, ova dea Judah side! All da leadas inside Judah Tink Betlehem importan. Cuz from dea goin come one leada. He goin take kea God peopo, Da Israel peopo.’ ”

Ruth 4:17

Da neighba wahines tell, “Now Naomi get one grankid!” An dey give him da name Obed. Obed, layta he come Jesse faddah an King David granfaddah.

Ruth 4:22

Obed, he Jesse faddah. Jesse, he King David faddah.

1 Samuel 1:1

Had one man, Elkanah. His house stay Ramah town, dass up country Efraim side, you know. Jeroham his faddah, an Elihu his granfaddah, Tohu his great granfaddah, an dey get Zuf dat wen live Efraim side fo dea ancesta.

1 Samuel 16:1

Da One In Charge tell Samuel, “You goin stay sad inside all da time cuz a Saul, o wat?! I tell ‘Laytas’ to him fo no be da king fo da Israel peopo no moa. Fill up yoa cow horn bottle wit olive oil, an go; I goin sen you by Jesse, da Betlehem guy. I wen awready pick one a his boys fo come da nex king fo me.”

1 Samuel 16:18

One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”

1 Samuel 17:11

Saul an all da Israel guys hear eryting da Filisha guy tell, an dey lose fight an stay real sked.

1 Samuel 17:58

Saul aks David, “My boy, who yoa faddah?” David tell, “Jesse from Betlehem, he my faddah, an you da boss fo him.”