1 Samuel 16:7 - Hawaii Pidgin Bible

⁷ But Da One In Charge tell Samuel, “No ways! No look da outside, how he look o how tall he stay. Cuz I no goin pick him. I no look fo da tings dat peopo like see. Peopo ony look wat stay da outside a peopo. But me, Da One In Charge, I look wat stay inside da peopo.”

1 Samuel 16:7 ပူးပေါင်းရင်းမြစ်များ

Start 4:5

But Da One In Charge like Abel mo den Cain, an he neva kea fo da present Cain wen give him. So Cain come plenny huhu, an look mad.

2 Samuel 14:25

Inside all da Israel land, no mo nobody da peopo talk good bout mo den Absalom, cuz he stay real good looking. From da top a his head to da bottom a his feets, no mo notting wrong wit him.

2 Samuel 7:20

Me, David, wat mo I can tell you?! Cuz you know me, yoa worka guy, an you Da One In Charge! You da Boss fo me!

1 Kings 8:39

Den I like you lissen from da sky wea you stay, An let um go from da bad tings dey wen do, An hemo dea shame, An help um! Ony you know how all dem stay inside, So help all dem, da way dey need help!

1 Records 17:18

“Me, David, I yoa worka guy—I no can tell you notting moa, da way you make peopo show respeck fo me! You know me how I stay.

1 Records 28:9

“An you, my boy Solomon, make shua you know real good da God dat I know. Make up yoa mind, you goin work ony fo him, cuz inside, you like do dat fo real kine. Cuz Da One In Charge know how erybody tink, an he undastan how come dey tink how dey tink. If you try know him, you goin find him. But if you bag from him, he goin bag from you foeva.

2 Records 16:9

Cuz Da One In Charge look all aroun all ova da world, fo find da peopo dat make up dea mind fo go all out fo him, fo him make dem come strong fo him. But you, you wen do one stupid ting! So den, from now you goin get war all da time!”

2 Records 6:30

If dey do dat, den I like you lissen from da sky wea you stay. Let dem go an hemo dea shame. Make good to da ones dat do wass good, an make bad to da ones dat do wass bad. Cuz you know how dey stay inside, an you da ony one dat know how erybody stay inside.

Job 10:4

You see tings jalike us peopo see um, o wat?! You see stuff jalike regula kine peopo see um, o wat?!

Job 35:5

Look at da sky! Look good at da clouds high ova you.

Songs 139:2

Erytime I sit down o stan up, You know bout all dat. No matta you stay far away, You know wat I tink.

Songs 7:9

Cuz you da God dat do wass right erytime, An tes wat peopo tink An judge how dey stay inside. Make da peopo dat stay do bad tings, Fo no do um no moa! Make da peopo dat stay do wass right, Come strong an solid.

Smart Guys 15:11

Da One In Charge, he can even see inside Wea da mahke peopo stay. Den fo shua, he can even see inside All da peopo dat stay alive.

Smart Guys 16:2

Erybody tink notting wrong Wit da way dey live. But Da One In Charge, he know eryting inside peopo, How come dey tink how dey tink, An he know if good o bad.

Smart Guys 24:12

An if you make Like you neva know notting, Fo shua, Da One In Charge know How you stay inside. An he goin know How come you neva do someting, O if you neva know fo real kine. An da same way erybody make, Az how Da One In Charge goin pay um back.

Smart Guys 31:30

Get wahines dat talk nice to you, But az all bulai. Get wahines, dey good looking, But fo ony short time. Da kine wahine dat stay sked fo no do wat Da One In Charge tell, Az good, erybody tell good tings bout her.

Jeremiah 11:20

But you, Da One In Charge, da God Ova All Da Armies, you judge peopo da right way. You know how erybody feel an how erybody tink. I wen tell you eryting fo you take kea me cuz you da Judge. Az why I like you pay back da peopo dat stay make one plan fo kill me.

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jeremiah 20:12

Da One In Charge, you da God Ova All Da Armies. You tes da peopo dat do da right ting. You know how dey feel an how dey tink. I like see you pay back dose odda guys, Cuz I wen tell you eryting bout da problem I get.

Luke 16:15

Jesus tell um, “You da guys dat tell da peopo you do da right kine stuff, but God know how you guys stay inside. Da stuff da peopo tink stay real good, dass da stuff God figga no good.”

John 7:24

No ack jalike one judge wen you guys can see ony da outside stuff. If you guys goin ack jalike one judge, gotta judge da right way.”

John 8:15

You guys tink you know how one guy stay by how he stay look on da outside. I no figga lidat.

Jesus Guys 1:24

Den dey go aks God fo help dem, an tell, “You Da One In Charge, an you know how erybody stay inside. Show us da guy you pick from da two guys,

2 Corint 10:10

Some guys tell, “Da lettas from dis Paul guy, dey hard fo handle an dey get plenny powa fo change stuff. But wen he stay ova hea, he notting, an wat he tell, good fo notting.”

2 Corint 10:7

You guys ony figga how tings stay by how dey look. If one guy shua he one Christ Guy, he gotta tink lidis, dat us guys Christ guys too, jalike him.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

1 Peter 2:4

Stay tight wit Christ. He jalike da main stone da builda guys wen throw out, but den God still wen pick him. He stay alive foeva an God tell he worth plenny!

1 Peter 3:4

Wat mo importan, yoa good looks gotta come from da inside, an dis stuff goin las foeva, jalike wen you do eryting nice kine, an no make one big deal about notting. God tell, “Dat kine worth plenny to me.”

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!

1 Samuel 9:2

Kish get one boy Saul. Saul, dass one good looking buggah, even mo good looking den all da odda Israel guys. He young, an eh! he real tall, mo den all da odda guys.