1 Samuel 16:18 - Hawaii Pidgin Bible

¹⁸ One a da worka guys tell, “You know wat?! I wen see one a Jesse boys from Betlehem dat fo real kine know how fo play da harp. He no sked fo fight, an know how fo fight. He erytime tink befo he talk. An he good looking. Da One In Charge stay tight wit him.”

1 Samuel 16:18 ပူးပေါင်းရင်းမြစ်များ

Start 39:2

Dass how come Joseph stay Potifar house, cuz Potifar wen buy him. Da One In Charge, he stay tight wit Joseph an help um come one good worka fo Potifar.

Start 39:23

Afta dat, da guy in charge a da jail no worry bout notting dat he suppose to do, cuz Joseph take kea eryting an Da One In Charge stay wit Joseph. An eryting Joseph do, Da One In Charge make um come out good.

2 Samuel 14:20

Yoa helpa guy Joab tell me fo make lidis fo change how you tink bout wass happening. You my boss, an you da one dat know wat fo do erytime, jalike one angel from God know wat fo do. You know eryting dat stay happen inside da land.”

2 Samuel 17:10

Den oua mos strong guys dat no sked notting, an get heart jalike one lion, even dey goin come weak cuz dey stay real sked. Cuz all da Israel peopo know dat yoa faddah know how fo fight real good, an all da guys wit him, stay strong an no sked notting.

2 Samuel 17:8

You know yoa faddah an his guys, dey all know how fo fight real good, an dey plenny huhu awready! Dey goin ack jalike one wild bear wen somebody steal her bebes. An yoa faddah win plenny war awready, you know. He no goin go sleep by da odda army guys, nite time.

Smart Guys 12:8

Wen erybody know dat somebody can tink strait an akamai, Da peopo goin talk good kine bout um. But wen peopo head all hamajang, Da peopo no mo respeck fo dem.

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

1 Samuel 10:7

Wen all dese tings happen, dat goin show I tell you da trut. So do wateva you figga az good fo do! Cuz God goin stay wit you.

1 Samuel 16:12

So Jesse sen somebody fo bring David dea. David stay healthy, get one good tan an nice kine eyes. He real good looking. Den Da One In Charge tell Samuel, “Quick! Pour da oil on top him cuz him he da one!”

1 Samuel 16:17

Az why Saul tell his worka guys, “Kay den. Go find somebody dat can play da harp real good fo me. An bring um hea by me.”

1 Samuel 16:19

Den Saul sen messenja guys by Jesse, fo tell, “Sen yoa boy David by me, da one dat stay wit da sheeps.”

1 Samuel 17:12

David, he Jesse boy. Jesse, from Efratah (dass da ol name fo Betlehem town inside Judah, you know). Jesse get eight boys. He real ol wen Saul stay king.

1 Samuel 3:19

Da One In Charge stay wit Samuel all da time he stay grow up. An Da One In Charge make shua dat eryting Samuel wen tell, happen.