1 Samuel 14:7 - Hawaii Pidgin Bible

⁷ His helpa guy tell um, “Do eryting you tink fo do. I stay tight wit you an ready fo go all out.”

1 Samuel 14:7 ပူးပေါင်းရင်းမြစ်များ

2 Samuel 15:15

Da king palace guys tell um, “Us yoa worka guys. We stay ready fo do wateva you tink gotta do cuz you oua boss.”

2 Samuel 7:3

Nathan tell da king, “Wateva you tink fo do, jus go do um awready, cuz Da One In Charge stay wit you, aah?”

Songs 46:7

Da One In Charge, Da God Ova All Da Armies, He stay right hea wit us guys! Him da God dat oua ancesta guy Jacob wen pray to, God one strong wall Dat no let nobody attack us guys! (Time out fo da music.)

Zekariah 8:23

An one mo ting: Dis wat Da One In Charge, Da God Ova All Da Armies, tell: “Dat time, fo ery Jew guy, goin get like ten odda guys from odda languages an peopos goin grab hold a his robe, an tell um, ‘Eh! Us guys like go wit you! Cuz us guys wen hear dat God stay wit you!’ ”

Local Leadas 9:54

Real fas he call da guy dat carry his stuff fo fight, an tell um, “Take yoa sword an kill me, fo dem no tell, ‘One wahine wen kill Abimelek!’ ” Az why his helpa guy stab um, an he mahke.

1 Samuel 10:7

Wen all dese tings happen, dat goin show I tell you da trut. So do wateva you figga az good fo do! Cuz God goin stay wit you.

1 Samuel 14:6

Jonathan tell da young guy dat carry his stuff fo fight, “Go come, we go ova da pass by wea dose guys stay dat neva cut skin jalike God peopo. Maybe Da One In Charge go do someting fo help me an you. Da One In Charge goin win, no matta he get plenny guys o litto bit guys.”

1 Samuel 14:8

Jonathan tell, “Kay den! We go ova dea nea da guys an let dem see us.