1 Samuel 14:28 - Hawaii Pidgin Bible

²⁸ One a da army guys tell um, “Yoa faddah make us army guys make one strong promise. He tell, ‘I goin put one kahuna on top anybody dat go eat food today! Cuz firs, I gotta pay back da buggahs dat stay agains me! An I goin pay um back befo da sun go down! Afta dat, den you can eat.’ Az why now all us guys stay wasted!”

1 Samuel 14:28 ပူးပေါင်းရင်းမြစ်များ

1 Samuel 14:24

Dat same day, da Israel army guys get even mo presha, cuz Saul make dem make one strong promise to him. He tell, “I goin put one kahuna on top anybody dat go eat food today! Cuz firs, I gotta pay back da buggahs dat stay agains me befo da sun go down! Afta dat, den you can eat.” Az why nobody eat notting dat day cuz was kapu.

1 Samuel 14:27

But Jonathan neva hear da kine kahuna dat his faddah wen put on top da army guys. He poke his stick fo walk inside da honey place. He eat some honey, an he smile cuz make him feel real good.

1 Samuel 14:29

Jonathan tell, “Wat my faddah wen do, put plenny presha on all oua peopo! See? I feel mo betta awready cuz I wen eat litto bit a dat honey.

1 Samuel 14:43

Den Saul aks Jonathan, “Wat you wen do?!” So Jonathan tell him, “I ony taste litto bit honey dat stay on top my stick fo walk, on da end. So jus cuz a dat, I gotta mahke, o wat?!”