1 Samuel 14:19 - Hawaii Pidgin Bible

¹⁹ But right den, wen Saul stay talk wit da pries guy, all da big noise inside da Filisha camp come mo an mo loud. So den Saul tell da guy, “Mo betta, no go bring da Box now. We go ova dea!”

1 Samuel 14:19 ပူးပေါင်းရင်းမြစ်များ

Songs 106:13

But, real fas, da peopo foget Wat God wen do. Dey neva wait fo hear Wat dey need fo hear from him.

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Census 27:21

Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”

Joshua 9:14

So da Israel guys eat litto bit a dea food. But dey no aks Da One In Charge fo tell um wat fo do.

1 Samuel 13:11

Samuel tell, “Eh! Wat you wen do?!” Saul tell, “Wen I see oua army guys stay scatta all ova da place, an you neva come yet like you wen tell you goin do, an da Filisha guys stay come togedda Mikmash side,

1 Samuel 14:20

Den Saul an all his army guys come togedda fo fight. Dey find da Filisha guys all pupule—dey stay fight each odda wit dea swords!

1 Samuel 14:24

Dat same day, da Israel army guys get even mo presha, cuz Saul make dem make one strong promise to him. He tell, “I goin put one kahuna on top anybody dat go eat food today! Cuz firs, I gotta pay back da buggahs dat stay agains me befo da sun go down! Afta dat, den you can eat.” Az why nobody eat notting dat day cuz was kapu.

1 Samuel 30:7

Den David tell Abiatar da pries guy, Ahimelek boy, “Try bring me da spesho pries kine ves you use fo aks God wat fo do.” An Abiatar go get um.