1 Samuel 13:9 - Hawaii Pidgin Bible

⁹ Az why Saul tell um, “Bring me da animals fo da burn up kine sacrifice, an fo da kine sacrifice dat show dat da peopo an God stay tight wit each odda.” Den Saul make da burn up kine sacrifice.

1 Samuel 13:9 ပူးပေါင်းရင်းမြစ်များ

2 Samuel 24:25

David build one altar fo Da One In Charge ova dea. He make burn up kine sacrifices. He make da kine sacrifices dat show dat God an da peopo stay tight wit each odda. Den Da One In Charge do wat David wen pray fo him do fo da Israel peopo. An da bad kine sick wen pau all ova da Israel land.

1 Kings 3:4

Plenny times, King Solomon wen go Gibeon side fo make sacrifice ova dea, cuz dass da mos importan sacrifice place, on top one hill ova dea. Befo time King Solomon guys wen kill tousan cows, fo make burn up kine sacrifice on top dat altar.

Songs 37:7

No tell notting, jus wait In front Da One In Charge. Hang in dea, an wait Fo Da One In Charge take kea you. No come huhu if some odda guy Stay make plenny money An no let um bodda you Wen da peopo make One no good kine plan an do um.

Smart Guys 15:8

Wen da bad kine peopo Make sacrifice fo God, God tink, dat kine sacrifice stay pilau. Wen da good kine peopo pray, Dass wat God like.

Smart Guys 20:22

Wen somebody do someting bad to you, No go tink, “I goin pay um back!” Jus wait fo Da One In Charge do someting. He goin help take kea you.

Smart Guys 21:27

Wen da bad kine peopo make one sacrifice, Wat dey do, make God real mad. An wen dey make da sacrifice Fo help um do someting real bad, God come mo mad!

Smart Guys 21:3

Wen us guys stay do wass right An judge da right way, Da One In Charge tink az mo betta Den jus fo make one sacrifice.

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Rules Secon Time 12:5

“But you guys gotta find da place yoa God, Da One In Charge, goin pick from all da place wea yoa ohana peopo goin live. He goin put his name dea an stay dea, an you goin go dea fo show love an respeck fo him.

Rules Secon Time 12:6

Ova dea, you guys goin bring yoa animal fo make yoa burn up kine sacrifice an odda sacrifices wea you kill animals. You goin bring God ten percent a eryting you grow an odda spesho presents you like give too. Give wateva you guys wen make one promise fo give Da One In Charge, an da presents you guys give um cuz you like give um, an da firs cow, sheep, o goat dat born—bring um all da place Da One In Charge goin pick.

1 Samuel 14:18

Saul tell Ahijah, “Bring da Box Fo No Foget Da Deal Wit God ova hea!” Cuz dat time da Box stay wit da Israel peopo.