1 Samuel 13:7 - Hawaii Pidgin Bible

⁷ Some Israel guys even run away across da Jordan Riva an go inside da Gad an Gilead land. Saul stay Gilgal side still yet, an all his army guys dat neva run away stay shake cuz dey real sked.

1 Samuel 13:7 ပူးပေါင်းရင်းမြစ်များ

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Rules Secon Time 20:8

Den da army leadas goin tell da army guys dis too, “Anybody hea dat stay lose fight an donno how fo make up his mind, he can go home, cuz bumbye his braddah guys goin lose fight jalike him.”

Rules Secon Time 28:25

“Da One In Charge goin make da peopo dat stay agains you guys win ova you. You goin go fo attack dem from one place, but run away from dem to seven places. Peopo in all da diffren countries on top da earth goin come bum out wen dey tink bout you guys.

Rules Secon Time 3:12

“From da land we take ova dat time, I give da Reuben an da Gad ohanas da land on da north side Aroer by da Arnon Canyon, an half da up country an da towns inside Gilead.

Joshua 13:11

an Gilead, da land a da Geshur peopo, an Maakah, all Mount Hermon, an all Bashan to Salekah.

Joshua 13:8

Da odda half a da Manasseh ohana, da Reuben ohana, an da Gad ohana awready get da land dat Moses wen give dem da east side a da Jordan Riva fo come dea property.

Local Leadas 7:3

So tell da army guys, ‘Anybody stay sked an shaking, okay fo dem go back, an go way from Mount Gilead.’ ” Az why 22,000 guys go back, an 10,000 guys stay.

1 Samuel 13:8

He wait seven days, cuz dass da time Samuel tell him he goin come. But Samuel neva show up Gilgal side. So Saul guys start fo scatta.

1 Samuel 17:11

Saul an all da Israel guys hear eryting da Filisha guy tell, an dey lose fight an stay real sked.

1 Samuel 31:7

(Da Israel army guys dat stay da odda side a da Jezreel valley, an da ones dat stay da odda side a da Jordan Riva, dey see dat da Israel army guys wen run away, an dat Saul an his boys mahke. So dey bag from dea towns an run away too. An da Filisha guys come an start fo live inside dose towns.)