1 Samuel 12:24 - Hawaii Pidgin Bible

²⁴ But make shua you guys stay sked a Da One In Charge an show um plenny respeck, an go all out fo work fo him fo real kine. Tink bout all da big kine tings he wen do fo you guys.

1 Samuel 12:24 ပူးပေါင်းရင်းမြစ်များ

2 Kings 17:39

But fo me, yoa God, Da One In Charge, you gotta show plenny respeck! Cuz I da One goin get you guys outa trouble from all da peopo dat go agains you guys.”

Job 28:28

An he tell da peopo, ‘You know wat?! If you get choke respeck an stay sked a da Boss Up Dea, Den you goin know wat fo do erytime! An if you stay away from da bad kine stuff, Dat goin show you undastan plenny!’ ”

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

Songs 119:80

Den I goin go all out Fo do wat you tell I gotta do. Cuz a dat, I no goin come shame.

Outa Egypt 12:13

“Da blood dat you guys put on top da houses wea you live, dat goin be jalike one sign fo show dat you guys live inside dea. Wen I see da blood, I goin pass ova you guys. Dat mean, wen I wack peopo all ova da Egypt land, no mo notting goin touch you guys an wipe you out.

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Teacha 12:13

Now dat you wen hear eryting, Dis da mos importan ting: Get choke respeck fo God, an do wat He tell you fo do, Cuz az da kuleana fo erybody.

Isaiah 5:12

Dey make big party, Dey get plenny small harp an bass harp, Tammorine, flute, an wine dea. But dey no tink notting bout Da One In Charge, An da tings he do. Wen he show da tings he make wit his hands, Dey no see notting.

John 1:47

Jesus spock Natanael stay come by him, an he tell, “Dis guy one fo real kine Israel guy. No mo notting fake inside him! He erytime tell da trut.”

Rome 12:1

My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck.

Rules Secon Time 10:21

He da One you guys talk good bout. He yoa God dat do all dose awesome an unreal kine tings dat you guys wen see.

Rules Secon Time 29:1

All dis, az wat da deal tell, dat Da One In Charge tell Moses fo make wit da Israel peopo Moab side, an da deal he wen make wit dem befo, Mount Sinai side.

Rules Secon Time 29:2

Den layta, Moses tell all da Israel peopo fo come, an he tell dem: “You guys wen see all wat Da One In Charge do to Pharaoh Egypt side, to all Pharaoh leada guys, an all his peopo an land. You guys wen see all da bad kine stuff dat come on top dem, an all da awesome kine stuff he do fo show who him.

Hebrews 12:29

You know, jalike da Bible tell, “Oua God, he jalike one fire dat burn up eryting.”

Joshua 24:14

Den Joshua tell, “An now stay sked a Da One In Charge, an work fo him, an stay tight wit him. Throw out da gods yoa ancesta guys wen pray to da odda side a da Eufrates Riva an Egypt side, an work fo Da One In Charge.