1 Samuel 12:17 - Hawaii Pidgin Bible

¹⁷ You guys know dat da time fo harves da wheat stay now, an no mo rain dis time. But today, I goin aks Da One In Charge fo sen thunda an rain. I like you guys see dat, an know az real bad wen you guys aks fo one king, cuz az da way Da One In Charge see um too!”

1 Samuel 12:17 ပူးပေါင်းရင်းမြစ်များ

Songs 99:6

Moses an Aaron, dey was pries guys Dat work fo God. Samuel too, he was one a dem guys Dat wen tell God fo help um Cuz dey know who him. All dem guys, wen dey yell To Da One In Charge fo help um, Da One In Charge lissen dem An help um.

Outa Egypt 32:30

Da nex day, Moses tell da peopo, “Da stuff you guys wen do, was plenny bad. Still yet, I goin go back up da mountain by Da One In Charge. Maybe I can do someting fo him let you guys go fo da bad ting you wen do, an hemo yoa shame, fo make you guys come pono wit him one mo time.”

Smart Guys 26:1

If you show respeck fo one dumb buggah Dat tink he no need learn notting, Make eryting stay hamajang. Az jalike wen get snow summa time, O get plenny rain wen time fo harves da food.

Jeremiah 15:1

Den Da One In Charge tell me: “No matta if Moses an Samuel stay stan in front me praying, no way I goin feel pity fo dis peopo! Take dis peopo away from me!

Joshua 10:12

Dat time Da One In Charge make da Israel guys win ova da Amor guys. Joshua tell Da One In Charge in front da Israel peopo, “I like da sun fo wait an no go down yet ova Gibeon. Same ting fo da moon ova da Aijalon Valley.”

1 Samuel 12:13

So, look! Dis da king you guys wen pick, da one you guys aks fo. Look! Da One In Charge wen awready put one king ova you guys.

1 Samuel 12:19

All da peopo tell Samuel, “Pray to yoa God, Da One In Charge, fo us guys, cuz you da boss fo us guys. Pray fo us no mahke. Cuz now, we wen do even mo bad kine stuff den befo time cuz we wen aks fo one king.”

1 Samuel 2:10

Dose peopo dat go agains Da One In Charge, he goin smash um down. He even goin make da thunda, dat stay inside da sky, make dem all hamajang. Da One In Charge da One goin judge da peopo all ova da world. “He goin give plenny powa to da guy he wen pick fo be da king. He goin make da guy he wen pick, come mo strong erytime.”

1 Samuel 7:5

Nex, Samuel tell, “All you Israel peopo, come togedda Mizpah side, fo me pray to Da One In Charge fo help you guys.”

1 Samuel 8:6

But wen dey tell, “Give one king fo lead us guys,” Samuel tink, “Eh! Az not good fo do!” An so, he pray to Da One In Charge.

1 Samuel 8:7

Da One In Charge tell um, “Lissen to da peopo! Lissen eryting da peopo stay tell you! You not da one dey tink az no good. Az me! I da one dey tink az no good fo be dea king!