1 Samuel 12:11 - Hawaii Pidgin Bible

¹¹ Den Da One In Charge sen Jerub-Baal, Barak, an Jeftah. He sen me too, Samuel. An he get you guys outa trouble from da peopo all aroun you guys dat hate you. Az why now, you stay alive an nobody goin touch you.

1 Samuel 12:11 ပူးပေါင်းရင်းမြစ်များ

2 Kings 13:5

Den Da One In Charge give da Israel peopo one guy fo get um outa trouble, so da Aram guys no mo powa ova dem. Cuz a dat, all da Israel peopo can live inside dea place, jalike befo time.

1 Records 7:17

Ulam boy: Bedan. Az was Gilead boys. Gilead he Makir boy, Makir he Manasseh boy.

Local Leadas 4:6

She sen somebody fo tell Barak, Abinoam boy, from Kedesh inside Naftali, fo come by her. She tell him, “Da One In Charge, da God fo da Israel peopo, he tell you fo do dis: ‘Go. Take 10,000 guys from Naftali an Zebulun, an lead dem Mount Tabor.

Local Leadas 6:14

Da One In Charge turn an look at him. He tell Gideon, “Go! Use da powa you get, an take da Israel peopo out from da Midian peopo powa. Az me I sen you.”

Local Leadas 6:31

But Joash tell all da guys dat stan agains him, “Wot! You guys figga you gotta make jalike lawya guys fo help Baal, o wat?! You trying fo get him outa trouble?! Anybody fight fo Baal lidat, dey gotta mahke befo morning time! If Baal stay one god fo real kine, he can fight if somebody go bus up his altar.”

Local Leadas 6:32

So from dat day da peopo call Gideon “Jerub-Baal,” cuz dey tell, “Let Baal fight him,” cuz Gideon broke down da altar fo Baal.

Local Leadas 7:1

Early in da morning, Jerub-Baal, (dass Gideon), an all his guys make camp by da Harod puka fo watta. Da Midian guys make camp north a dem inside da valley nea da Moreh hill.

Local Leadas 8:29

Jerub-Baal, az Gideon, Joash boy, go back home fo live.

Local Leadas 8:35

An dey no stay tight wit da Jerub-Baal ohana (az da Gideon ohana) fo all da good kine stuff he wen do fo da Israel peopo.

1 Samuel 3:20

All da Israel peopo from Dan side to Beer-Sheba side know fo trus Samuel wen he talk fo Da One In Charge.

1 Samuel 7:13

So da Israel guys win ova da Filisha guys, an da Filisha guys neva go inside da Israel land no moa. All da time Samuel stay alive, Da One In Charge stay agains da Filisha peopo.