1 Samuel 12:10 - Hawaii Pidgin Bible

¹⁰ Yoa ancesta guys wen yell to Da One In Charge, an tell, ‘We wen do bad kine stuff! We wen bag from you, Da One In Charge, an work fo da Baal gods an da Ashtoret gods! But now, Da One In Charge, get us outa trouble from da guys dat hate us! Den we goin work ony fo you!’

1 Samuel 12:10 ပူးပေါင်းရင်းမြစ်များ

Songs 106:44

But wen dey yell to God fo help um, He lissen. He see da big trouble dey get.

Isaiah 26:16

Da One In Charge, befo time oua peopo look fo you Wen dey get hard time. Wen you scold dem fo teach dem, Dey ony can wispa wen dey pray to you.

Isaiah 33:22

Da One In Charge, he oua Judge. Da One In Charge, he da One give us guys oua rules. Da One In Charge, he da king fo us guys. He da One goin get us outa trouble.

Joshua 13:31

half da Gilead land, an Ashtarot an Edrei, wea Og da Bashan king wen live befo time. Dis odda half go da Makir ohana, az Manasseh boy land.

Local Leadas 10:10

Den da Israel peopo yell to Da One In Charge fo help um. Dey tell, “Us guys wen do bad kine stuff agains you! We wen bag from you, oua God, an work fo da Baal gods!”

Local Leadas 2:11

Den da Israel peopo do bad kine stuff da way Da One In Charge see um, an dey work fo da Baal gods.

Local Leadas 2:13

cuz dey bag from him, an work fo da Baal god, an da Ashterot gods.

Local Leadas 3:15

One mo time da Israel peopo yell to Da One In Charge fo help dem. So he give dem one guy fo get dem outa trouble: az Ehud. He one guy dat do stuff wit his lef hand. He Gera boy, from da Benjamin ohana. Da Israel peopo sen him fo carry da stuff dey gotta pay Eglon, da Moab king.

Local Leadas 3:7

Da Israel peopo do bad kine stuff da way Da One In Charge see um. Dey foget dea God, Da One In Charge, an dey work fo da Baal gods an da Asherah wahine gods.

Local Leadas 3:9

But wen dey yell to Da One In Charge fo help dem, he give um one guy fo get dem outa trouble: az Otniel, Kenaz boy, Caleb younga braddah. Otniel get dem outa trouble.

Local Leadas 4:3

Jabin get nine hundred iron war wagons. He put mean kine presha on top da Israel peopo fo twenny year. So dey yell to Da One In Charge fo help dem.

Local Leadas 6:7

Wen da Israel peopo call Da One In Charge fo help dem cuz a wat da Midian peopo do,

1 Samuel 7:2

Long time, twenny year awready, Da Box Fo No Foget Da Deal Wit Da One In Charge stay Kiriat-Jearim. An all da Israel peopo make sad kine noise cuz dey stay sad inside, an dey try know Da One In Charge mo betta.

1 Samuel 7:6

Wen da peopo come togedda Mizpah side, dey bring watta from one puka, an pour um out in front Da One In Charge. All day, da peopo skip food wen dey pray, an tell Da One In Charge, “Us sorry, aah?! dat we wen go agains you an do bad kine stuff.” An Samuel, he stay da leada guy fo judge da Israel peopo Mizpah side.