1 Samuel 10:21 - Hawaii Pidgin Bible

²¹ Den Samuel bring da Benjamin ohana in front, one blood line an den anodda. An from dem, God pick da Matri ohana. An wen God pau, he pick Saul, Kish boy. But wen dey go look fo Saul, dey no can find him.

1 Samuel 10:21 ပူးပေါင်းရင်းမြစ်များ

2 Samuel 3:19

An Abner do dis too: he go talk wit plenny Benjamin peopo. Den he go Hebron side fo talk wit David. He like tell um all dat da Israel peopo an all da Benjamin ohana tink az one good ting fo do.

Smart Guys 18:18

Wen peopo make argue, Pull straw fo make um stop. Even if dey get plenny powa, Dey no goin come togedda fo fight.

Jonah 1:7

Da saila guys, dey tell each odda, “Eh, good fo us guys fo find out who da guy dat wen make one god mad, fo dis bad ting come to us guys. We go pull straw fo find out who him, aah?” Dey pull straw, an Jonah, he da one lose.

Jesus Guys 13:21

Den da peopo like get one king, an God give um Saul, Kish boy, from da Benjamin ohana. An Saul stay king fo forty year.

1 Samuel 10:20

Wen Samuel bring all da Israel ohanas nea him, God pick da Benjamin ohana.

1 Samuel 10:22

So dey aks Da One In Charge one mo time, “Dat guy come hea yet?” Da One In Charge tell, “Yeah, he stay. He wen hide ova dea wea da peopo put dea stuffs.”

1 Samuel 9:2

Kish get one boy Saul. Saul, dass one good looking buggah, even mo good looking den all da odda Israel guys. He young, an eh! he real tall, mo den all da odda guys.