1 Samuel 10:16 - Hawaii Pidgin Bible

¹⁶ Saul tell, “He tell us fo shua, somebody wen find da donkeys awready.” But Saul neva tell his uncle dat Samuel tell dat he goin come da king.

1 Samuel 10:16 ပူးပေါင်းရင်းမြစ်များ

Outa Egypt 4:18

Moses, he go back by Jetro, his faddah-in-law. Moses tell Jetro, “Eh, I like go back by my ohana guys Egypt side fo check out how dey stay.” Jetro tell Moses, “Go. I like eryting go good fo you.”

Smart Guys 12:23

Da akamai kine peopo, Dey no show off eryting dey know. Da dumb buggahs dat tink Dey no need learn notting, Dey gotta yell out all dea stupid kine stuff.

Smart Guys 29:11

Da stupid kine buggahs dat tink dey no need learn notting, Dey make shua dat erybody know wat dey tink. But da peopo dat know wat fo do erytime, Dey stay cool head, An dey hold back fo no tell wat dey tink.

Teacha 3:7

One time fo broke someting An one time fo sew um togedda. One time fo no talk An one time fo talk.

Local Leadas 14:6

Da Spirit from Da One In Charge start fo take charge a Samson, an give um plenny powa. He pull da lion in two piece wit his hands, jalike was one young goat. But he no tell his faddah o his muddah wat he wen do.

Local Leadas 14:9

So he scrape out da honey wit his hands, an eat um wen he stay walk. Wen he go back by his faddah an muddah, he give dem some honey, an dey eat um. But he no tell um dat he scrape da honey outa da lion body.

1 Samuel 10:15

Saul uncle aks, “Tell me wat Samuel wen tell you guys.”

1 Samuel 9:20

Da donkeys you neva find fo da las three days, no worry bout dem. Dey no stay lost no moa. Now! All da Israel peopo goin turn to you an yoa faddah ohana, cuz dass wat dey fo real kine like see! You, dea leada!”

1 Samuel 9:27

Wen Samuel an Saul go down by da edge a da town, Samuel tell Saul, “Tell yoa worka guy fo go litto mo down in front us guys.” So da worka guy go dea. Den Samuel tell Saul, “You, stay hea short time moa. An I goin let you hear wat God tell.”