1 Samuel 1:9 - Hawaii Pidgin Bible

^9-10 One time, wen dey all at da place Da One In Charge stay, Shiloh town, Eli da pries guy stay sit on top his pries chair by da door. Elkanah guys pau eat. But den, Hannah feel real junk. Az why she stan up an go outside fo pray to Da One In Charge. An she start fo cry an no can stop!

1 Samuel 1:9 ပူးပေါင်းရင်းမြစ်များ

2 Samuel 7:2

David tell Nathan (he one guy dat talk fo God), “Eh! I stay living hea inside one nice palace wit cedar wood all ova. But da Box Fo No Foget God, stay inside one cloth tent!”

Songs 27:4

Ony get one ting I like tell Da One In Charge fo do fo me. Dass da ony ting I stay wait fo: I like stay inside Da One In Charge house Till I mahke! I like hang out inside his Temple an feel good inside dea Fo see how Da One In Charge all da time make good to peopo!

Songs 29:9

Wen Da One In Charge tell someting, He make da deer wahines born dea bebes An da trees come bolohead But inside da Temple wea Da One In Charge stay, Erybody yell, “God, he awesome!”

Songs 5:7

But me, I go inside yoa house, Cuz you erytime stay tight wit yoa peopo. I go down an show you choke respeck Inside da Temple dat stay spesho fo you.

Outa Egypt 21:6

den da slave owna guy gotta take da slave guy in front God. Da slave owna guy put da slave guy by da door, an take one spike an push um thru da bottom a his ear lobe in da door, den take out da spike. Den da slave guy goin stay one slave wit da owna guy till he mahke.

1 Samuel 3:15

Samuel lay down till morning time. Den he open da doors fo da Tent Fo Meet Wit Da One In Charge. He sked fo tell Eli da ting he wen see dat was jalike one dream.

1 Samuel 3:3

Samuel, he sleep inside da spesho tent, da Tent Fo Come Togedda Wit Da One In Charge. (Dass wea Da Box Fo No Foget Da Deal stay.) An da lamp dat burn all nite fo God, still burning.

1 Samuel 4:13

He reach Shiloh. He see Eli by da side a da road, sitting on top da pries chair, waiting, cuz Eli, he stay sked wat goin happen to Da Box Fo No Foget Da Deal Wit God. Dis Benjamin guy go inside da town fo tell wat wen happen, an afta dat, all da peopo dea yell fo help.