1 Samuel 1:19 - Hawaii Pidgin Bible

¹⁹ Nex morning, Elkanah an his family get up early. Afta dey go down in front Da One In Charge fo tell how awesome him, dey go home to Ramah. Elkanah sleep wit Hannah, an Da One In Charge lissen wat she pray an do um.

1 Samuel 1:19 ပူးပေါင်းရင်းမြစ်များ

Start 21:1

Laytas, Da One In Charge take kea Sarah, jalike he wen promise fo do.

Start 30:22

Den God wen tink bout Rachel. God lissen, an make her fo her born bebe too.

Start 4:1

Den Adam sleep togedda wit his wife Eve, an she born one boy. She give um da name Cain. She tell, “Da One In Charge wen help me. Dass how come I get dis boy.”

Start 8:1

All dat time, God no foget Noah an all da wild animals an da farm animals dat was inside da big boat wit him. Dass how come God make da wind blow ova da world, an da flood watta start fo go down.

2 Kings 4:17

But layta da wahine come hapai, an da nex year bout dat same time she born one boy, jalike Elisha wen tell her.

Songs 119:147

Befo da light come morning time, I yell fo you help me. Den I stay shua you goin tell me Wat I need fo hear.

Songs 136:23

Us was nobody, but Da One In Charge Neva foget us guys, Cuz he stay tight wit his peopo foeva!

Songs 25:7

Eh! You Da One In Charge! Wen I was young, I wen do bad tings an go agains you. No tink bout me lidat no moa. Mo betta, tink lidis bout me. Tink bout how you stay tight wit me, Cuz you good, az why.

Songs 5:3

Eh! You Da One In Charge! Morning time, Try lissen wat I gotta tell. Ery day morning time, I make one lis a all da tings I like tell you, An I tell you, den I wait.

Songs 55:17

Evening time, morning time, Noon time, wenevas, Wen I stay grumble an moan Cuz I stay hurting, Da One In Charge Goin lissen wat I tell.

Mark 1:35

Real early morning time, wen start fo get light, Jesus get up an go outa da house. He go one place wea no mo nobody, an pray ova dea.

Luke 23:42

An da guy tell Jesus, “Jesus, no foget me wen you come da King!”

Joshua 18:25

Gibeon, Ramah, Beerot,

1 Samuel 1:1

Had one man, Elkanah. His house stay Ramah town, dass up country Efraim side, you know. Jeroham his faddah, an Elihu his granfaddah, Tohu his great granfaddah, an dey get Zuf dat wen live Efraim side fo dea ancesta.

1 Samuel 1:11

Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”

1 Samuel 15:34

Den Samuel go his place Ramah side. But Saul go his place inside Gibeah.

1 Samuel 16:13

So Samuel take da cow horn bottle wit oil inside, an pour um on top David, wit his braddah guys all aroun. Right den an dea, da Spirit from Da One In Charge take ova David, so from dat time he stay get da powa from Da One In Charge. Den Samuel go back home Ramah side.

1 Samuel 19:18

Wen David get outa dea, he go by Samuel, Ramah side. David tell Samuel eryting dat Saul wen do to him. Den David an Samuel go Naiot side, an stay ova dea.

1 Samuel 2:11

Den Elkanah dem go home Ramah side. But da boy Samuel stay back an work fo Da One In Charge. An Eli da pries guy stay in charge a Samuel.

1 Samuel 25:1

Wen Samuel mahke, all da Israel peopo come togedda, an come sad inside cuz he mahke. Dey bury him his place inside Ramah. Den David start fo move house south side fo go da Paran Boonies.

1 Samuel 7:17

But he erytime go back by Ramah, cuz he stay judge da Israel peopo ova dea too, an az wea he live. An he build one altar ova dea fo Da One In Charge.

1 Samuel 8:4

So, all da older leada guys come togedda, an go by Samuel, Ramah side.

1 Samuel 9:26

Saul an his worka guy wake up jus befo da sun come up. Wen da sun start fo come up, Samuel yell to Saul on top da flat roof. He tell, “Get ready, aah! I go wit you litto bit, den I let you go back home!” Wen Saul stay ready, him an Samuel go outside togedda.