1 Samuel 1:15 - Hawaii Pidgin Bible

¹⁵ Hannah tell um, “Oh, mista, sorry, aah? Az not how stay! I not piloot! I neva drink notting! Me, I jus one wahine dat donno wat fo do! So I stay pray real hard hea in front Da One In Charge. I tell him all my pilikia.

1 Samuel 1:15 ပူးပေါင်းရင်းမြစ်များ

Job 30:16

“An now all poho my life stay now! Make me suffa plenny ery day.

Songs 143:6

I put up my hands an pray to you, Jalike da dry groun dat need watta. Az how I like stay tight wit you! (Time out fo da music.)

Songs 42:4

I spill my guts, Cuz I no foget how was befo time. Dat time, I wen go In front plenny peopo Fo bring dem by da Temple fo God, Wit erybody amping out Cuz dey stay real good inside. Had choke plenny peopo stay tell God “Mahalo plenny!” An all dem go togedda fo pray to him!

Songs 62:8

Eh you peopo! Trus God foeva! Tell him eryting you tink bout! God, he da One Stay hide us guys from trouble. (Time out fo da music.)

Songs 62:9

Da peopo dat not importan, Dey jalike da air. Da importan peopo, No can trus wat dey tell you. Wen dey breave, dat air mo heavy Den all dose peopo togedda.

Smart Guys 14:10

Ony da guy dat stay sad inside Know how much he stay sore. An wen somebody stay real good inside, Odda peopo no can feel da same ting.

Smart Guys 15:1

Wen somebody no talk nice to you, Talk back with nice kine words An da odda guy goin come quiet one mo time. You talk harsh kine, He goin come all huhu wit you.

Smart Guys 25:15

If you hang in dea long time, An no come huhu, You can make da leada guys tink Da same way you tink. If you talk nice to dem, Even da hard head guys goin lissen.

Sad Song 2:19

Wake up! Yell loud nite time, Wen da watcha guys start fo call. Pour out eryting inside you, jalike watta in front da Boss. Lif up yoa hands an pray to him, fo yoa kids no mahke! Dey stay hungry, so dey pass out at ery street corna.

1 Samuel 1:16

I no like you tink I good fo notting. I stay pray, cuz fo real, I all hamajang inside. I get plenny stuff dat stay bodda me an bum me out from long time!”

1 Samuel 7:6

Wen da peopo come togedda Mizpah side, dey bring watta from one puka, an pour um out in front Da One In Charge. All day, da peopo skip food wen dey pray, an tell Da One In Charge, “Us sorry, aah?! dat we wen go agains you an do bad kine stuff.” An Samuel, he stay da leada guy fo judge da Israel peopo Mizpah side.