1 Records 5:23 - Hawaii Pidgin Bible

²³ Get plenny peopo inside half da Manasseh ohana. Dey live inside da land from Bashan to Baal-Hermon. Az Senir (Mount Hermon).

1 Records 5:23 ပူးပေါင်းရင်းမြစ်များ

1 Records 5:24

Dese da main guys fo dea blood lines: Efer, Ishi, Eliel, Azriel, Jeremiah, Hodaviah, an Jahdiel. Dey wen fight an no sked. Erybody know dem.

Songs 133:3

Wen erybody stick togedda Jalike dey one, Make you feel real good. Jalike wen dew go on da grass Morning time On top da hills aroun Jerusalem, An jalike on top Mount Hermon. Weneva peopo stick togedda lidat, Da One In Charge make shua Eryting go good fo dem, An dey get da real kine life To da max foeva!

Love Song 4:8

Go come stay wit me, my bride, No matta you stay far, Lebanon side! No matta you gotta leave da top a Mount Amana, O Mount Senir, o da top a Mount Hermon! Go come by me from da place wea da lions stay, An from da hills wea da leopards stay!

Ezekiel 27:5

Jalike you one mangus boat, Dey make yoa two decks From da pine trees Mount Hermon side. Dey take one cedar tree from Lebanon Fo make da mast fo you.

Census 26:28

From Israel, da Joseph ohana by dea blood lines from Manasseh an Efraim was:

Rules Secon Time 33:17

Da Joseph ohana, dey big an strong, Jalike one king, Jalike one bull dat born firs. Da Joseph ohana get plenny powa, Jalike one wild cow dat get big horn, An wit da horn dey poke all da diffren peopos same time, Even da one dat stay Da mos far place on top da earth. Az how da ten tousan Efraim ohana peopo dat come from Joseph stay, An da tousans inside da Manasseh ohana dat come from Joseph.”

Joshua 13:11

an Gilead, da land a da Geshur peopo, an Maakah, all Mount Hermon, an all Bashan to Salekah.