1 Records 28:2 - Hawaii Pidgin Bible

² King David stan up an tell, “Lissen to me, my braddahs an my peopo! I wen like build one house fo da Box Fo No Foget Da Deal Wit Da One In Charge res inside um, cuz az jalike wea oua God get his throne. An I wen make eryting ready fo build um.

1 Records 28:2 ပူးပေါင်းရင်းမြစ်များ

Start 48:2

Somebody tell Jacob, “Yoa boy Joseph stay hea. He like see you.” Israel stay weak, but he go all out fo sit up on top da bed.

1 Kings 1:47

An you know wat?! Da guys dat stay work fo oua boss King David, dey all go by King David an tell um, “We like fo God make Solomon get even mo big name den you! We like God make dis country even mo awesome den stay now, wen you come da King!” King David, he stay sit down on top da bed, an he bend ova fo show God love an respeck.

1 Kings 5:3

“You know awready, dat my faddah David stay pray to God, Da One In Charge. But get diffren peopos come afta him from all aroun him, fo make war. Az why my faddah no can build one Temple fo his God, Da One In Charge, fo erybody know wat kine god him. In da end, Da One In Charge let my faddah win ova dem.

1 Records 17:4

“Go tell my worka guy David, ‘Dis wat Da One In Charge tell: You not da one goin build me one house fo live inside.

1 Records 22:14

“You know, I wen almos make me come pooa! Az cuz I wen give fo da Temple Fo Da One In Charge, almos four tousan ton gold, almos forty tousan ton silva, an mo plenny bronze an iron den dey can weigh. I give wood an stone too. An you can give even mo stuffs too.

1 Records 22:6

Den David tell his boy Solomon fo come. He give him da kuleana fo build one Temple fo Da One In Charge, da God fo da Israel peopo.

1 Records 22:7

David tell Solomon, “My boy, befo time I wen tink fo build one temple fo my God, Da One In Charge.

1 Records 6:31

Dese da guys dat David put in charge a da music inside God house, afta da Box Fo No Foget Da Deal come fo stay ova dea.

2 Records 6:7

Den Solomon tell, “My faddah David, fo reals he wen like build one temple fo show wat kine god Da One In Charge, da God fo da Israel peopo.

Songs 110:1

Dis wat Da One In Charge Tell my boss, da king: “Sit down hea, my right side, Da place dat show I get plenny respeck fo you. Wait till I bring Da peopo dat stay agains you Fo you put yoa foot on top dem Fo show dat you da winna ova dem.”

Songs 132:14

He tell: “Dis da place I goin stay foeva. I goin sit on top da throne an be da king, Cuz dis da place I wen like stay From long time befo time.

Songs 132:2

David make one strong promise To Da One In Charge, One promise to da Strong God Dat Jacob wen pray to.

Songs 22:22

Afta you get me outa dis, I like tell my braddahs an sistahs Wat kine god you. All my peopo goin come togedda, An I goin tell um how awesome you stay!

Songs 99:5

Dass why I tell, “Tell erybody Dat oua God, Dass Da One In Charge a us, He da greates! Bow down in front him, Wea he sit on top his throne! Cuz Da One In Charge, He good an spesho!”

Isaiah 60:13

“All da awesome stuff from Lebanon side Goin come by you guys. Wood from da tall pine tree, Da short pine tree, da cypress tree, All dis goin make Da place dat stay spesho fo me, awesome.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

Sad Song 2:1

Da Boss come huhu wit da Jerusalem peopo. He stay cova dem jalike wit one cloud! Da Israel peopo was awesome jalike da sky, But jalike he wen throw um down all da way to da groun. Wen he come huhu wit dem, He no even proteck his Temple.

Ezekiel 43:7

He tell, “Eh! Fo Real Kine Guy! Dis da place fo my throne, da place wea I goin res my feets. Dis wea I goin live wit da Israel peopo foeva. Da Israel ohana no goin give me one bad rep no mo cuz I stay good an spesho. Dose peopo an dea kings no goin make lidat no mo too. Dey no goin fool aroun no mo wit da idol kine gods dat no stay alive. An dey no goin go down in front da idol kine gods by dea sacrifice places on top da hills no moa.

Matthew 25:16

“Da guy dat get da five bag money go use um fo make biznis, an get five mo bag money.

Jesus Guys 7:49

“ ‘Da sky, dass my throne, An da earth, dass da place fo my feets. Wat kine house you goin make fo me? Wea da place fo me fo res?

Rules Secon Time 17:15

If you tink lidat, make shua you guys make king, ony da guy dat yoa God, Da One In Charge, pick. He gotta be one a yoa braddah guys. No go pick one guy from some odda place dat not one Israel guy.

Rules Secon Time 17:20

If he stay read um an do wat da rules tell, den he no goin tink he mo betta den da odda Israel guys, an he no goin turn away from wat God tell um fo do even litto bit to da right side o da lef side. Den him an da ones dat goin come from him goin stay king ova da Israel peopo long time.