1 Records 26:14 - Hawaii Pidgin Bible

¹⁴ Da job fo watch da East Gate go to Shelemiah. Den dey pull straw fo his boy Zekariah. He one akamai guy dat can tell peopo wass da bestes ting fo dem do. Da North Gate go to him.

1 Records 26:14 ပူးပေါင်းရင်းမြစ်များ

1 Records 26:13

Dey pull straw fo ery gate, fo tell wat ohana get da kuleana fo wat gate, no matta da ohana big o small.

1 Records 26:15

Da job fo watch da South Gate go to Obed-Edom. Da job fo take kea da places aroun da gate wea dey store stuff go to his boys.

1 Records 26:9

Meshelemiah get boys an ohana guys dat know how fo do stuff real good, 18 guys.

1 Records 9:21

Zekariah, Meshelemiah boy, was da guy dat guard da gate by da door fo da Tent Wea Da Peopo Meet God.

1 Records 9:24

Get guard guys stay by da four sides a da Temple: east, west, north, an south.

2 Records 31:14

Kore, Imnah boy, da Levi guy, he da security guard fo da East Gate. He stay in charge a da presents dat da peopo like give God. His job, give da peopo dat need um all dese tings dat peopo give to Da One In Charge, an da tings dat peopo make spesho fo God.

Ezra 8:16

So I sen peopo fo tell da leada guys Eliezer, Ariel, Shemaiah, Elnatan, Jarib, da odda Elnatan guy, Nathan, Zekariah, an Meshullam fo meet wit me. I sen odda guys fo tell Joiarib an anodda Elnatan guy fo come too cuz dey know wat fo do erytime.