1 Records 25:8 - Hawaii Pidgin Bible

⁸ Da young guys an da ol guys, da teacha guys an da guys dat learn, dey all pull straw fo find out wat dea kuleana goin be.

1 Records 25:8 ပူးပေါင်းရင်းမြစ်များ

1 Records 15:22

Kenaniah, da main Levi ohana guy, get da kuleana fo teach um how fo make da music, cuz he know um real good.

1 Records 24:31

An dey pull straw jalike fo dea braddahs, da Aaron ohana guys. Dey do um in front King David, an Zadok, Ahimelek, an da main guys fo da pries an Levi blood lines. Dey no make diffren to da mos ol braddahs an da mos young braddahs, dey all same same fo pull straw.

1 Records 24:5

Dey pull straw fo split um. Az how dey no make um mo betta fo da Eleazar blood line den fo da Itamar blood line. Cuz get leadas fo da Place Dat Stay Spesho Fo God, an leadas dat God wen pick inside da Eleazar blood lines an inside da Itamar blood lines.

1 Records 25:2

Asaf boys: Zakkur, Joseph, Netaniah, an Asarelah. Asaf stay in charge a his boys. Asaf talk fo God an get da king fo his boss.

1 Records 25:9

Da firs time dey pull straw fo da Asaf team, dey pick Joseph: him, his braddahs an his boys, 12 guys. Numba two pick da Gedaliah team: him, his boys an his braddahs, 12 guys.

1 Records 26:13

Dey pull straw fo ery gate, fo tell wat ohana get da kuleana fo wat gate, no matta da ohana big o small.

1 Records 26:16

Da job fo watch da West Gate an da Shalleket Gate wea da main road go up, go to Shuppim an Hosah. Ery place, get two guard guys dat work togedda.

2 Records 23:13

She look, an da king stay right dea! He stan by da big pos wea da king suppose to stan, one side a da place fo go inside da Temple building. Da army officer guys an da guys dat blow da trumpets stay all aroun da king. An all da peopo from all ova da land stay dance an sing, an dey stay blow trumpets too. An da guys dat sing use dea music instruments, an dey lead da peopo fo tell dat Da One In Charge stay real good. Den Ataliah rip her clotheses fo show she stay bum out. She yell, “Dese guys go agains da govmen!”

Nehemiah 12:24

Da leada guys fo da Levi ohana was Hashabiah, Sherebiah, an Jeshua, Kadmiel boy. Dey stan one side an da oddas stan da odda side fo sing fo God an tell him “Mahalo!” jalike David wen tell um fo do, da guy dat stay tight wit God. Da guys one side sing, den da guys da odda side sing.

Smart Guys 16:33

Wen you pull straw Fo find out wat fo do, Az Da One In Charge make um come out Da way dey come out.

Prieses 16:8

He goin pull straw fo da two goats. One goin be fo me, Da One In Charge. Da odda, layta he goin let um go way inside da boonies wea he no can come back.

Jesus Guys 1:26

Den dey pull straw an Mattias win, so he come togedda wit da eleven guys dat Jesus wen sen all ova.