1 Records 25:3 - Hawaii Pidgin Bible

³ Jedutun boys: Gedaliah, Zeri, Jeshaiah, Shimei, Hashabiah, an Mattitiah, az six. Dea faddah Jedutun stay in charge a dem. He talk fo God too, an play da small harp fo tell Da One In Charge “Mahalo!” an tell good stuff bout him.

1 Records 25:3 ပူးပေါင်းရင်းမြစ်များ

1 Records 15:18

Fo dea helpa guys, da Levi guys give dea younga relatives: Zekariah, Jaaziel, Shemiramot, Jehiel, Unni, Eliab, Benaiah, Maaseiah, Mattitiah, Elifelehu, Mikneiah, an da security guard guys fo da Tent, Obed-Edom an Jeiel.

1 Records 15:21

Mattitiah, Elifelehu, Mikneiah, Obed-Edom, Jeiel, an Azaziah suppose to play da small harps, an make music Sheminit kine style.

1 Records 25:2

Asaf boys: Zakkur, Joseph, Netaniah, an Asarelah. Asaf stay in charge a his boys. Asaf talk fo God an get da king fo his boss.

1 Records 25:21

Numba fourteen pick Mattitiah: his boys an his braddahs, 12 guys.

1 Records 25:4

Heman boys: Bukkiah, Mattaniah, Uzziel, Shubael, an Jerimot; Hananiah, Hanani, Eliatah, Giddalti, an Romamti-Ezer, Joshbekashah, Malloti, Hotir, an Mahaziot.

1 Records 9:16

Get Obadiah, he Shemaiah boy, Shemaiah he Galal boy, Galal he Jedutun boy. Berekiah, he Asa boy, Asa he Elkanah boy, dat live inside one a da small towns wea da Netofat peopo live.

2 Records 29:14

From da Heman blood line, Jehiel an Shimei. From da Jedutun blood line, Shemaiah an Uzziel.

Songs 92:1

Good, fo tell erybody Dat you da greates, Da One In Charge! Good, fo make music Fo erybody know who you, Da God Dass Mo Importan Den All Da Odda Gods!

Jeremiah 33:11

bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.

1 Samuel 10:5

“Afta dat you goin go by Gibeah, God place. Get some Filisha army guys camp dea too. Wen you go nea da town, you goin meet some guys dat talk fo God dat stay come down from da sacrifice place on top da hill. Dey stay wit some odda guys dat stay play small harps, tammorines, flutes, an bass harps in front dem. An da talka guys goin stay talk fo God.