1 Records 24:5 - Hawaii Pidgin Bible

⁵ Dey pull straw fo split um. Az how dey no make um mo betta fo da Eleazar blood line den fo da Itamar blood line. Cuz get leadas fo da Place Dat Stay Spesho Fo God, an leadas dat God wen pick inside da Eleazar blood lines an inside da Itamar blood lines.

1 Records 24:5 ပူးပေါင်းရင်းမြစ်များ

1 Records 24:31

An dey pull straw jalike fo dea braddahs, da Aaron ohana guys. Dey do um in front King David, an Zadok, Ahimelek, an da main guys fo da pries an Levi blood lines. Dey no make diffren to da mos ol braddahs an da mos young braddahs, dey all same same fo pull straw.

1 Records 24:4

Get mo guys inside da Eleazar line den inside da Itamar line. So dey split um lidis: sixteen main guys fo da Eleazar blood lines, an eight main guys fo da Itamar blood lines.

1 Records 25:8

Da young guys an da ol guys, da teacha guys an da guys dat learn, dey all pull straw fo find out wat dea kuleana goin be.

1 Records 26:13

Dey pull straw fo ery gate, fo tell wat ohana get da kuleana fo wat gate, no matta da ohana big o small.

1 Records 9:11

Azariah, Hilkiah boy. Hilkiah he Meshullam boy, Meshullam he Zadok boy, Zadok he Meraiot boy, Meraiot he Ahitub boy. Ahitub he da leada dat stay in charge da guards fo God house.

2 Records 35:8

His govmen leada guys like give to da peopo too, an to da pries an Levi guys. Hilkiah, Zekariah, an Jehiel, da guys dat stay in charge a da Temple Fo God, dey give da pries guys 2,600 bebe sheeps an goats fo make sacrifice fo da Passova, an 300 cows.

Nehemiah 11:11

Seriah Hilkiah boy, his odda ancesta guys Meshullam, Zadok, Meraiot, an Ahitub, dat befo time was da guy in charge a da Temple Fo God.

Smart Guys 16:33

Wen you pull straw Fo find out wat fo do, Az Da One In Charge make um come out Da way dey come out.

Isaiah 43:28

Az why I put kahuna On top da main leada guys Fo da Temple Dat Stay Spesho Fo Me, So dey no can come inside fo pray. An I tell dem dat I wen put kahuna On top da Jacob ohana fo wipe dem out. Erybody goin talk bad Bout da Israel peopo.”

Jonah 1:7

Da saila guys, dey tell each odda, “Eh, good fo us guys fo find out who da guy dat wen make one god mad, fo dis bad ting come to us guys. We go pull straw fo find out who him, aah?” Dey pull straw, an Jonah, he da one lose.

Matthew 26:3

Dat time, da Main Pries guys an da older leadas fo da peopo come togedda inside da Main Pries Guy palace. Kaiafas, he da Main Pries Guy dat time.

Matthew 27:1

Early morning time, all da Main Pries guys an da older leadas fo da peopo figga out how dey goin kill Jesus.

Jesus Guys 1:26

Den dey pull straw an Mattias win, so he come togedda wit da eleven guys dat Jesus wen sen all ova.

Jesus Guys 4:1

Peter an John still yet stay talking wit da peopo, wen da pries guys, da captain fo da security guards fo da Temple, an da Sadducee guys come by dem.

Jesus Guys 4:6

Annas, da Main Pries Guy, come, an Kaiafas, John, Alexander, an da odda guys from da Main Pries ohana.

Jesus Guys 5:24

Wen da leada guys hear dat, da captain fo da Temple guard an da Main Pries guys come futless, an dey tink plenny wat goin happen.

Joshua 18:10

Den Joshua pull straw Shiloh side in front Da One In Charge. He give da seven piece land to da seven ohanas from da Israel peopo.