1 Records 22:12 - Hawaii Pidgin Bible

¹² Ony one ting—I like Da One In Charge make um fo you tink good bout eryting you gotta do, an help you undastan wass good an wass bad. Den, wen he put you in charge a da Israel peopo, you goin do wat all da Rules from yoa God, Da One In Charge, tell you fo do.

1 Records 22:12 ပူးပေါင်းရင်းမြစ်များ

1 Kings 2:3

Do wateva yoa God, dass Da One In Charge, tell you gotta do um. Live da way he tell you fo live. Wateva job God give you, you betta do um. He da Judge, so wen he tell you fo do someting, do um. Eryting God teach, dat Moses wen write inside da Rules, do um. Den, no matta wat you do, an wea you go, eryting goin come out good fo you.

2 Records 1:10

I like you make me know wat fo do erytime, an how fo tink good, fo be da leada fo all dese peopo. Cuz no mo nobody can figga wass right an wass wrong, fo dis big nation you get!”

Songs 119:34

Help me fo undastan da Rules you give, So den fo shua I goin do um.

Songs 72:1

Eh God! Teach da new king fo know Wass right an wass wrong, Jalike you know um, An help him do da right ting erytime Jalike you do um. Dis fo da new king, Dat wen born from da ol king.

Smart Guys 14:8

Da peopo dat tink strait, Da smart stuff dey do is, Dey tink firs bout wat dey stay do. Da stupid head kine peopo wit attitude, Dey tink dey know wat fo do, But dey bulai ony dem.

Luke 21:15

Cuz I goin give you guys wat fo tell, an I goin make you guys know wat fo do erytime, so da guys dat stan up agains you no goin know wat fo tell, an dey no goin show proof dat you guys wen do wrong.

Rules Secon Time 4:6

Make shua you do eryting I tell you fo do, cuz dat goin show da odda peopos dat you guys know wat fo do erytime, an you undastan plenny stuff. Dey goin hear all dis stuff dat Da One In Charge tell you guys you gotta do, an dey goin tell, ‘Fo shua dis one importan peopo—dey know wat fo do erytime, an dey undastan plenny stuff!’ ”

James 1:5

If one a you guys donno wat fo do, aks God fo help you, fo give you da smarts you need! He no goin give you guys hard time. He goin help you guys. God give plenny to erybody, you know.

1 John 2:3

Wen us guys do da tings he tell us fo do, dass how us stay shua dat us know God fo real kine.