1 Records 21:8 - Hawaii Pidgin Bible

⁸ Den David tell God, “I wen do one real bad ting wen I do dat. Now, I beg you, take away da blame from me, cuz I wen make real stupid kine.”

1 Records 21:8 ပူးပေါင်းရင်းမြစ်များ

2 Samuel 12:13

David tell Nathan, “Was real bad, dis ting I wen do agains Da One In Charge!” Nathan tell, “An Da One In Charge, he let you go awready fo da bad ting you wen do. You no goin mahke from dis.

2 Samuel 13:13

An wat bout me? I no can handle dat kine shame! An wat bout you? All da Israel peopo goin tink you real stupid fo do dis! Try go talk to oua faddah da king. He goin let me marry you.”

2 Samuel 24:10

Laytas, David feel bad afta he wen count da guys dat can fight.

1 Records 21:7

An da way God see wat David tell Joab fo do, he tell az real bad too. So God punish da Israel guys.

2 Records 10:9

He tell um, “Wat you guys tink az good fo me tell dese peopo? Dey tell me, ‘Yoa faddah guy wen make all us guys bus ass, jalike he wen put one heavy yoke on top us guys. But now, try make oua work mo easy den yoa faddah make um fo us!’ ”

Songs 25:11

Eh! You Da One In Charge! Cuz you like erybody know Wat kine god you, Az why you let me go From all da bad kine stuff I wen do, An you hemo my shame too. Eh, get real plenny bad tings dat I wen do, you know!

Songs 32:5

But den, I wen tell you fo real kine Dat I wen do bad tings, An I no try fo hide no moa Wat I know was wrong fo me do. I wen make up my mind, Dat I goin tell Da One In Charge All da tings I wen do agains you. Cuz a dat, you wen let me go, An hemo da shame Fo da bad tings I wen do. (Time out fo da music.)

Jeremiah 3:13

But one ting I tell you guys gotta do— You gotta tell wat you wen do az wrong, An dat you guys wen go agains me, yoa God, Da One In Charge, An dat you guys fool aroun all ova da place Wit odda peopo gods, Unda all da trees dat get big shade. An wen I talk, you guys no lissen, you make deaf ear! Az wat Da One In Charge tell.’ ”

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

John 1:29

Da nex day John spock Jesus stay coming by him, an he tell, “Eh, you guys, try look da guy ova dea! You know wat? He jalike God bebe sheep fo da sacrifice. He hemo da shame fo da bad kine stuff dat erybody inside da whole world stay do!

1 John 1:9

But if us tell God we sorry fo all da bad tings we wen do, we can trus God. An he goin do wat he tell he goin do: da right ting. God goin hemo oua shame, an wash us clean inside from all da stuff we do dass not right.

1 Samuel 13:13

Samuel tell Saul, “Bummahs! You wen ack stupid! You neva lissen an do wat yoa God, Da One In Charge, wen tell you fo do! If you wen do wat Da One In Charge tell, den he make you come da ancesta awready fo da kings ova da Israel peopo, foeva. But, you neva do um!

1 Samuel 26:21

Den Saul tell, “Yeah, wat I wen do was bad! Go come back, David my boy! I promise, I no goin try hurt you one mo time. Today, you wen let me stay alive cuz you get respeck fo me. Fo shua, den, I wen ack stupid, an jam up fo real kine!”