1 Records 21:13 - Hawaii Pidgin Bible

¹³ David tell Gad, “Ho! I presha out! Mo betta let Da One In Charge be da one fo punish me, cuz he pity peopo plenny. But no let peopo punish me!”

1 Records 21:13 ပူးပေါင်းရင်းမြစ်များ

2 Kings 6:15

Da nex morning early, wen da guy dat work fo Elisha get up an go outside, he see da army guys wit horses an war wagons all aroun da town. Da worka guy tell Elisha, da guy dat stay tight wit God, “Boss! Wat we goin do?!”

2 Kings 7:4

If we go inside Samaria town, no mo food inside dea, so we goin mahke dea. An if we stay hea, we goin mahke too. So, we go ova dea by da camp fo da Aram army guys, an give up. If dey let us stay alive, den we stay alive. If dey kill us, den we mahke.”

2 Records 28:9

But get one guy Samaria side name Oded, dat talk fo Da One In Charge. He go out fo meet da army guys wen dey come back Samaria town. He tell dem, “You know wat?! Da One In Charge, da God fo yoa ancesta guys, he stay real huhu wit da Judah peopo. Az how come he give you guys da powa fo win ova dem. But you guys wen go all out fo kill dem. You guys wen come real plenny huhu an God in da sky see dat.

Esther 4:11

“Get someting all da king leada guys an palace peopo an all da peopo inside his districks know: Any guy o wahine dat go nea da king inside da palace open lanai, wen da king neva call dem, da king get ony one rule: Dey gotta mahke. Da ony time dey no need mahke, az wen da king poin his gold rod at dem. Dat mean dey goin stay alive. But now thirty days pau awready an da king no call me fo go by him yet.”

Esther 4:16

“Go bring togedda all da Jew guys you can find inside Susa town. No eat food so you can pray fo me. No eat an no drink fo three day, day time o nite time. Me an da wahines dat work fo me, we goin do da same ting, no eat an no drink notting fo three days too, fo us pray. Afta we do dat, I goin go in front da king, no matta I stay broke da rules. An if I mahke, I mahke.”

Songs 103:8

Da One In Charge, He get plenny pity fo peopo, An he like do good tings fo dem. He no come huhu real fas. He get plenny love an aloha Fo stay tight with his peopo.

Songs 106:7

Da time oua ancesta guys Stay Egypt side, Dey neva undastan Da awesome tings you wen do. Dey foget how plenny Da nice kine stuff you wen do. Dey even wen go agains you Dat time dey stay nea da Red Sea!

Songs 119:156

Eh! You Da One In Charge! You show all kine pity. You judge da right way, So help me fo stay alive.

Songs 130:4

But if peopo tell you fo let dem go An hemo dea shame, You let um go an hemo dea shame. Dass how come peopo Get choke respeck fo you.

Songs 130:7

All you Israel peopo, Hang in dea An trus Da One In Charge! Cuz if you stay tight Wit Da One In Charge, He erytime stay tight wit his peopo. Wen you wit him, He do wateva he gotta do Fo get you outa trouble.

Songs 5:7

But me, I go inside yoa house, Cuz you erytime stay tight wit yoa peopo. I go down an show you choke respeck Inside da Temple dat stay spesho fo you.

Songs 69:13

But me, I stay pray to you, Da One In Charge. Wen da right time come, God, Do wat I aks you fo do, Cuz you stay tight wit yoa peopo Big time, An I can trus you Fo get me outa trouble!

Songs 69:16

Eh! You Da One In Charge! Do someting fo help me! Cuz az good, How you stay tight wit yoa peopo. Turn aroun an look at me, Cuz you get plenny pity Fo do stuff fo me.

Songs 86:15

But you my Boss. An you da kine God dat pity erybody An you erytime like give dem chance. You no come huhu real fas, You erytime stay tight wit yoa peopo, An dey know dey can trus you.

Songs 86:5

You my Boss, an you get one good heart. You stay ready erytime fo let me go Fo da bad tings I wen do, You stay tight wit yoa peopo all da time, Wit da ones dat stay yell Fo you help um.

Smart Guys 12:10

Da good kine peopo, Dey make shua dey take kea dea animals. Da bad kine peopo, Even wen dey try fo show pity, Still yet dey make da animals suffa.

Isaiah 46:7

Dey carry da idol kine god up on top dea back, An bring um to da place dey goin put um. An put um down dea. Da idol kine god stan up ova dea An no move. Somebody call out to um, but da idol no can talk. Da idol no can get nobody outa trouble.

Isaiah 47:6

I wen stay huhu wit my peopo. An make to my peopo Jalike dey no stay spesho fo me. I wen give my peopo to you Babylon guys, An you neva even give dem chance. You even make da ol peopo suffa plenny, An make dem carry one heavy load.

Isaiah 55:7

Fo da bad kine peopo, Da ones dat stay make trouble, Az good dey bag from da stuff Dey do befo time, An no tink bad kine stuff no moa. Mo betta dey turn back to Da One In Charge, Cuz he goin show pity fo dem. Wen dey turn back to oua God, He goin do plenny fo let dem go Fo wat dey wen do befo time, An hemo dea shame.

Isaiah 63:15

Da One In Charge! Look down from da sky From da place you live up dea, Yoa Good An Spesho Place, Dat show how awesome you stay! Look down fo see wat stay happen! Befo time you wen go all out fo us guys. But now, you no give a rip! Befo time, you wen use yoa powa fo help us guys. But now, you no do notting. You wen feel plenny love an pity fo me befo time, But now, you stay hold back from me!

Isaiah 63:7

“I goin make shua nobody foget, An tell all dat Da One In Charge do Cuz he stay tight wit us guys, An I goin tell all da good tings Bout Da One In Charge Cuz he do good tings fo us guys. He give us Israel ohana peopo Plenny good kine stuffs. He show love an pity fo us guys, An he stay tight wit us guys foeva.

Sad Song 3:32

No matta he make us suffa, He goin show aloha an pity too, Cuz he stay real tight wit his peopo!

Jonah 3:9

Nobody know if God goin change his mind bumbye. He tell ‘Laytas’ to da kine tings us guys stay do, but maybe he goin show pity an change his mind so us guys no come wipe out!”

Jonah 4:2

Jonah pray to Da One In Charge lidis: “Bummahs! You Da One In Charge! You know, all dis happen jalike I wen tell wen I stay my country! Dass why I wen run away fas fo go Tarshish side, you know. Fo shua you da kine God dat like do good tings fo peopo an show pity fo dem. Take long time befo you come huhu. You stay tight wit yoa peopo long time an give um chance. Dass why you change yoa mind an no punish da bad kine stuff peopo do.

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Habakkuk 3:2

Da One In Charge, I hear wat peopo tell bout you. I get awesome respeck fo you, Fo all da awesome stuff you wen do awready. Try do um one mo time! Dese years right now, Make peopo know wat you wen do. No matta you stay huhu wit us, No foget show us guys pity!

John 12:27

Den Jesus tell, “Right now I feel all funny kine inside. Wat I goin tell? ‘Faddah, no let me mahke!’? No way I goin tell dat! Dass why I wen come hea, fo me mahke.

Philippi 1:23

I get presha dis way an dat way! Me, I like bag an stay wit Christ awready! Dass mo betta, aah?

Hebrews 10:31

Eh! Sked, you know, if da God dat stay alive foeva go afta you!