1 Records 20:8 - Hawaii Pidgin Bible

⁸ Dese guys come from da Rafa ohana dat live Gat town. Dey mahke wen David an his guys wack um.

1 Records 20:8 ပူးပေါင်းရင်းမြစ်များ

2 Samuel 21:16

Ishbi-Benob, dat come from da giants dey call da Rafa ohana, get one spear wit one bronze head dat weigh mo den seven pound. An he wear all new body armor. He tell he goin kill David.

2 Samuel 21:22

Dose four guys come from da Rafa ohana, Gat side. An David an his army guys kill all four a dem.

1 Records 20:7

Wen he make fun a da Israel guys, Jonathan, Shimea boy an David nephew, kill um.

1 Records 21:1

Dat time, Satan start fo make trouble fo da Israel guys. He make David tink az good fo him count da Israel peopo.

Teacha 9:11

I wen see anodda ting unda da sun too: Da mos fas guys no goin win da race erytime, An da mos strong guys no goin win da fight erytime. Da guys dat know wat fo do erytime, dey no mo food erytime, Da smart guys not rich erytime. Nobody show respeck erytime fo da guys dat know plenny. But dey all gotta chance um wen da right time come.

Jeremiah 9:23

Dis wat Da One In Charge tell: “Da guy dat know wat fo do erytime No good fo him talk big dat he know wat fo do. Da guy dat know how fo fight No good fo him talk big dat he know how fo fight. Da rich guy, no good if him talk big bout how rich him.

Rome 8:31

So den, wat you tink bout all dis? God stay fo us guys to da max. Cuz God stay lidat, who goin go agains us? No mo nobody!

Joshua 14:12

So now, give me dis hill country dat Da One In Charge wen make one promise fo give me dat time. You wen hear dat time dat da Anak peopo stay ova dea, an dey get big towns dat get strong wall. But maybe Da One In Charge goin help me, an I goin push out da peopo, jalike Da One In Charge wen tell.”