1 Records 19:18 - Hawaii Pidgin Bible

¹⁸ But da Aram guys run away from in front da Israel guys. An David guys kill 7,000 guys dat ride da war wagons, an 40,000 infantry guys. Dey kill Shofak too, da main leada fo dea army guys.

1 Records 19:18 ပူးပေါင်းရင်းမြစ်များ

2 Samuel 10:18

But da Aram guys run away in front da Israel guys. David dem kill da guys dat ride 700 a dea war wagons, an 40,000 a dea horse rida guys. An he wack General Shobak. So Shobak mahke ova dea.

1 Records 19:17

Wen David guys tell David bout um, David bring togedda all da Israel guys fo fight, an go da odda side a da Jordan Riva. He go wea da Aram guys stay, an line up his army guys fo fight dem. An dey fight!

1 Records 19:19

Wen da army guys Hadadezer wen sen see dat da Israel guys win ova dem, dey make one deal fo no fight wit David, an come his guys. So da Aram guys no like help get da Ammon guys outa trouble no moa.

Songs 18:32

Dass da God dat make me strong fo fight. Ery place I go, God make eryting come okay fo me.

Songs 33:16

Jus cuz one king get plenny army guys, Dat no mean he goin get outa trouble. Jus cuz one army guy real strong, Dat no mean da guy goin win da war.

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)