1 Records 18:4 - Hawaii Pidgin Bible

⁴ David an his guys take ova from Hadadezer one tousan war wagons, seven tousan guys dat stay in charge a da war wagons, an twenny tousan infantry guys. He cut da back legs a all da horses fo da war wagons so dey no can run. He ony let one hundred war wagon horses stay fo dem run.

1 Records 18:4 ပူးပေါင်းရင်းမြစ်များ

Start 49:6

Inside, goin bodda me plenny if I gotta lissen Wen dey make plan togedda fo do bad kine stuff. Wen dey come togedda, I no like stay wit dem, Cuz wen dey come huhu, dey kill peopo. Dey even tink az good fun hurt da cows fo notting.

2 Samuel 8:4

David grab 1,700 a da guys dat use horse fo fight, an 20,000 infantry guys, an make um his prisonas. His guys cut da back leg tendon fo all da horses dat pull war wagon fo dem no walk good. Ony one hundred horses dat pull war wagon, he let stay good.

1 Kings 10:26

Solomon get mo an mo war wagons an horses. In da end, he get 1,400 war wagon an 12,000 horse. He sen some a dem to da towns he wen build fo da army guys dat use da war wagon fo fight, an he keep some a dem by him Jerusalem town.

1 Kings 4:2

An now, dis da lis wit his main govmen guys: Azariah Zadok boy was da Main Pries Guy.

1 Records 18:3

Den David an his guys fight Hadadezer da Zobah king an his guys, all da way Hamat side, da time Hadadezer go fo make solid dat he da one stay in charge nea da Eufrates Riva.

1 Records 18:5

Wen da Aram guys from Damascus come fo help Hadadezer da Zobah king, David kill twenny-two tousan a dem.

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Rules Secon Time 17:16

No foget: da king no can get plenny horses ony fo him, o make da peopo go back Egypt side fo get mo horses. Cuz Da One In Charge, he wen tell you guys, “No go back Egypt side no moa!”

Joshua 11:6

Da One In Charge tell Joshua, “No sked fo face dem. Cuz dis same time tomorra, I goin make all dem fall down mahke in front you Israel guys. You goin cut dea horses back legs fo dem no run, an burn up dea war wagons.”

Joshua 11:9

Joshua make to dem jalike Da One In Charge tell um fo do. He cut dea horses back legs fo dem no run, an burn up dea war wagons.