1 Records 17:8 - Hawaii Pidgin Bible

⁸ I wen stay wit you wea eva you go. I wen wipe out da guys dat stay agains you an try fo stop you. Now I goin make all da peopo know bout you, jalike dey know bout da mos importan guys inside da world.

1 Records 17:8 ပူးပေါင်းရင်းမြစ်များ

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

2 Samuel 22:1

David sing lidis fo Da One In Charge, da time Da One In Charge get um outa Saul powa, an outa da powa a all da odda guys dat stay agains him.

2 Samuel 7:9

Ery place you go, I stay wit you. I cut off all da guys dat stay agains you. Az why dey no can stan up in front you. Now, I goin make you one big name guy, jalike da mos big name guys in da world.

2 Samuel 8:6

David put his army guys inside Damascus, da main town fo da Aram peopo, an da Aram peopo come slaves fo David. An dey gotta pay him plenny tax too from dat time. Da One In Charge help David guys fo win ery place dey go.

2 Samuel 8:8

An from Betak an Berotai, Hadadezer towns, King David take plenny bronze metal.

1 Records 14:17

Dass how erybody all ova all da odda countries hear bout David, an Da One In Charge make all da peopos sked David.

1 Records 17:17

God, da way you see um, all dat az no big deal. But now you stay talk bout me, yoa worka guy, an wat goin happen fo da king guys dat goin come from me long time afta now. You God, Da One In Charge, an you make to me jalike I da mos importan guy.

1 Records 17:2

Nathan tell David, “Wateva you tink bout, do um, cuz God stay wit you.”

1 Records 17:7

“So now, dis wat you goin tell my worka guy David,

1 Records 17:9

I goin make one place fo my Israel peopo, jalike I goin plant dem inside dea place, an no mo nobody goin bodda dem. Da kine peopo dat do wrong an hurt odda peopo, no goin make dem presha no moa, jalike da way dey wen do from da start.

Ezra 4:20

Da kings from dat side dat wen live inside Jerusalem an da whole West Eufrates Side, dey was strong, an dey get plenny tax money from ova dea dat side.

Songs 18:1

David tell: “Eh! You Da One In Charge! I get love an aloha fo you! You da One make me strong!”

Songs 46:11

Da One In Charge, Da God Ova All Da Armies, He stay right hea wit us guys! He da God Dat oua ancesta guy Jacob Wen pray to. He da One dat make shua Nobody attack us guys! (Time out fo da music.)

Songs 46:7

Da One In Charge, Da God Ova All Da Armies, He stay right hea wit us guys! Him da God dat oua ancesta guy Jacob wen pray to, God one strong wall Dat no let nobody attack us guys! (Time out fo da music.)

Songs 71:21

You goin make me come One mo importan guy den befo time. You goin make me Stay good inside, one mo time.

Songs 75:7

Ony God, he da One Dat judge fo real kine. He can make one guy come notting, An he can make anodda guy Come importan.

Luke 1:52

He stay pull down plenny big kings From dea thrones, An he stay make da peopo Dat no mo notting, come importan.

1 Samuel 18:14

An so eryting David stay do, come out good, cuz Da One In Charge stay wit him.

1 Samuel 18:28

Saul see wat happen, an he know fo shua dat Da One In Charge stay tight wit David, an dat Michal get love fo David.

1 Samuel 26:10

“Jalike fo shua Da One In Charge stay alive, same way I stay shua Saul goin mahke—maybe Da One In Charge goin be da One goin take um out. O maybe da time goin come fo him mahke regula kine. O maybe he come wipe out wen he stay fight one war.