1 Records 17:27 - Hawaii Pidgin Bible

²⁷ Now you stay good inside fo do good kine tings fo me yoa worka guy an my ohana. Dass how my ohana goin stay in front you foeva. Cuz you Da One In Charge, an you wen promise fo do good stuff fo dem. An goin stay lidat foeva!”

1 Records 17:27 ပူးပေါင်းရင်းမြစ်များ

Start 27:33

Isaac, he shake all ova an come real sked. He tell, “Den, who da odda guy dat wen hunt wild meat an bring um by me? I awready eat all dat meat befo you wen come hea, you know. An den, I wen do someting spesho fo him an tell all da good tings dat I like Da One In Charge do fo him bumbye! An wat wen happen in dis spesho ceremony gotta stay lidat foeva! Az ony fo him.”

1 Kings 2:33

Dese two guys mahke, an Joab get da blame fo dat, an erybody dat come from him, get da blame too. But fo David an da peopo dat come from him, an his ohana, an fo da kings dat goin come from David, Da One In Charge goin make eryting come good fo dem, foeva.”

1 Kings 2:45

But Da One In Charge goin do good tings fo me, King Solomon. Fo shua, kings from David blood goin sit on top King David throne in front Da One In Charge, foeva.”

1 Records 17:26

Da One In Charge, you da real God! You wen promise fo do dis good kine stuff fo me, yoa worka guy.

1 Records 18:1

Afta long time, David an his guys win ova da Filisha guys, an take ova dem. David dem take ova Gat an da small towns aroun um wea da Filisha guys wen stay in charge befo time.

1 Records 28:4

“Still yet, Da One In Charge, da God fo da Israel peopo, wen pick me. He like fo me an my blood line stay king ova da Israel peopo foeva. He pick my ancesta guy Judah fo come da leada guy, an from da Judah ohana he pick my blood line. An from my faddah boys, was me he figga az good fo make da king ova all da Israel peopo.

Songs 21:6

You do plenny good tings fo da king, All da time. You make him feel real good inside Cuz you tell him fo stay wea you stay.

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Census 23:20

Da One In Charge tell me fo tell you, Dat he goin do good tings fo da Israel peopo. He da One tell dat, An I no can change um!

Rome 11:29

You know, wen God give you someting, he no take um back. Wen he tell you, “Eh! Go come be my guy!”—he no goin change his mind.

Efesus 1:3

Good erytime fo tell how good God stay! He da God an da Faddah fo Da One In Charge a us guys, dass Jesus Christ. God erytime do good kine stuff fo us guys, cuz he put all kine good stuff inside us, an all dat come strait from wea God stay inside da sky. He put all dat inside us guys cuz us stay tight wit Christ.

Rules Secon Time 15:6

Cuz yoa God, Da One In Charge, goin do plenny good kine stuff fo you guys, jalike he wen make one promise fo do. You guys goin let plenny peopos borrow stuff from you, but you guys no need borrow stuff from nobody. You guys goin loan money to plenny peopos, but you no goin need odda peopo fo loan money to you guys.