1 Records 17:13 - Hawaii Pidgin Bible

¹³ I goin come jalike one faddah fo him, an he goin come jalike my boy. I goin stay tight wit him all da time, not da way I wen bag from Saul, da time he was king befo you.

1 Records 17:13 ပူးပေါင်းရင်းမြစ်များ

1 Kings 11:36

I jus goin leave da Judah ohana an anodda ohana fo Solomon boy. Cuz I like fo my worka guy David erytime get one guy dat come from him, Jerusalem side, fo show my peopo wea fo go, jalike one olive oil lamp dat goin burn in front me foeva. Az cuz I wen pick Jerusalem town fo be da place wea erybody can find out wat kine god me.

1 Records 10:14

But he neva aks Da One In Charge dat time. Az why Da One In Charge make shua he mahke. Den Da One In Charge turn ova da right fo be king to Jesse boy David.

1 Records 17:12

Him da one goin build one house fo me, an I goin give his ohana da right fo be king foeva.

1 Records 17:14

I goin put yoa boy in charge a my Temple an da peopo dat I da king ova dem, foeva. His ohana goin get da right fo be king foeva.”

Songs 2:12

Go down in front da king An show respeck. Cuz if you guys no like do dis, Watch out! Cuz if you make him come huhu Even litto bit, Right den an dea, you guys Goin come wipe out, Cuz he come huhu real quick! But all da peopo dat let God Take kea dem, Dey stay good inside.

Songs 2:7

Dat king, he tell: “I goin tell wat Da One In Charge Wen tell gotta happen. He tell me dis: ‘You, you my boy. An today, I tell dat I yoa faddah.

Isaiah 55:3

Go come by me, an lissen real good! Lissen, fo you guys come alive inside. I goin make one deal wit you guys Dat goin stay foeva: Da tings I wen promise King David dat I goin do Wen I tell I goin stay tight wit him foeva, I goin do all dat fo shua, Cuz I do wat I promise fo do!

Luke 1:32

He goin be importan, An God goin call him ‘my Boy dat come from me, Da God Dass Mo Importan Den All Da Odda Gods.’ God Da One In Charge goin make him one king Jalike King David, his ancesta guy.

Luke 9:35

Den one voice from inside da cloud tell, “Dis my boy, da One I wen sen. Lissen up wat he tell!”

John 3:35

Da Faddah get plenny love an aloha fo his Boy. He give him da powa ova eryting.

2 Corint 6:18

I goin be yoa Faddah, An you goin be my kids.” Dass wat Da One In Charge wen tell, da One Dat Get All Da Powa.

Hebrews 1:5

You know, God no talk to da angel guys Da way he talk to his Boy. He tell his Boy, “Today I tell Dat you my Boy!” An anodda place inside da Bible God tell, “I his Faddah, An he my Boy.”

1 Samuel 15:28

Samuel tell him, “You see?! Da One In Charge stay broke off da Israel peopo from you today, so you not dea king no moa. He goin give dem to anodda king dass jalike you, but dis guy mo betta den you.