1 Records 17:12 - Hawaii Pidgin Bible

¹² Him da one goin build one house fo me, an I goin give his ohana da right fo be king foeva.

1 Records 17:12 ပူးပေါင်းရင်းမြစ်များ

1 Kings 5:5

So now, I stay figga lidis: I goin build one Temple so erybody goin know wat kine god my God, Da One In Charge, da One I stay pray to. Da One In Charge wen tell my faddah King David, ‘I goin put yoa boy on top yoa throne, afta you pau be da King. Yoa boy, da one goin build da Temple so erybody goin know wat kine god me.’

1 Kings 8:19

But, you know wat? You not da one goin build dat Temple. Yoa boy, yoa blood an bones, goin build da temple fo show how I stay.’

1 Records 17:11

Wen da time come fo yoa life pau, an you go fo stay wit yoa mahke ancesta guys, I goin put yoa kid fo take yoa place, one a yoa boys. An I goin make him one solid king.

1 Records 17:13

I goin come jalike one faddah fo him, an he goin come jalike my boy. I goin stay tight wit him all da time, not da way I wen bag from Saul, da time he was king befo you.

Ezra 5:11

“Dis wat da Jew leadas wen tell us: ‘Us, we da worka guys fo da God dat stay in charge a da sky an da world. We stay build dis Temple dat wen get all bus up. Long time befo time, one big king fo da Israel peopo wen build um.

Songs 72:17

I like fo peopo no foget Wat kine king him, Foeva, all da time da sun stay shine. I like fo all da nations tell, “God do good tings fo us, Cuz a dis king an his ohana!” An dey tell, “Dis king, Fo shua he stay good inside!”

Songs 89:29

I goin make shua Dat da peopo dat goin come From David blood line, Goin stay in charge. Goin get one a dem wit da right Fo sit on top David throne foeva, Jalike da sky stay foeva.

Songs 89:4

‘I goin make shua dat da peopo Dat goin come from you, Goin get da right fo be kings, foeva.’ ” Dass wat God wen promise. (Time out fo da music.)

Songs 89:5

Eh! You Da One In Charge! Erybody inside da sky tell Dat da tings you do, stay awesome! Wen da ones dat stay spesho fo you Come togedda, Dey talk even mo plenny Bout how dey trus you fo erytime do Wat you tell you goin do!

Isaiah 9:7

He goin come da leada Fo da govmen, An he goin make eryting come So notting bodda nobody, An fo shua he goin do dat. He goin be da king on top da throne Jalike King David, his ancesta guy. He goin judge erybody da right way, An he goin do da right ting erytime. From da time he come da king, He goin make shua he stay king foeva. All dis goin happen Cuz Da One In Charge, Da Boss Ova All Da Armies, Goin make shua dis goin happen.

Daniel 2:44

“Da time numba four kine govmen get powa, God Inside Da Sky goin set up anodda kine govmen. Dat govmen, no goin come wipe out eva, an odda peopo no goin get um. Dey goin smash all da odda kine govmens, so dey no mo powa. An dat govmen, goin stay solid foeva.

1 Corint 15:25

Christ gotta stay da King, you know, till God bus up all da peopo dat go agains Christ fo show dat Christ da winna ova dem.

Colosse 2:9

Eryting how God stay, stay inside Christ body too, an Christ, he one guy jalike us.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”