Den lissen from inside da sky wea you stay, An go do someting fo da guys from anodda place Dat aks you fo help um. Wen you do dat, All da diffren peopos all ova da world Goin know wat kine god you. Den dey goin feel jalike dey sked Wen dey come in front you, Same ting jalike yoa Israel peopo feel. An dey goin know Dat dis Temple I wen build, Get yoa name.
1 Records 16:8 - Hawaii Pidgin Bible8 Make shua erybody tell Da One In Charge, “Mahalo!” Call to him cuz you know wat kine god him! Make shua all da diffren peopos know Da tings he wen do! အခန်းကိုကြည့်ပါ။ |
1 Records 16:8
13 ပူးပေါင်းရင်းမြစ်များ
bumbye peopo goin hear laughing an singing, an peopo dat stay good inside, an wedding parties, an peopo dat bring animals to da Temple Fo Da One In Charge fo make sacrifice dat tell God ‘Mahalo plenny!’ Da peopo dat bring sacrifice animals goin sing lidis: “ ‘Fo Da One In Charge, Da God Ova All Da Armies, tell um: Mahalo plenny! Cuz Da One In Charge stay good! He stay tight wit his peopo foeva!’ Cuz I goin give back good kine stuff fo eryting in dis land come jalike was befo time.” Az wat Da One In Charge tell.
Dis letta fo you church peopo dat come togedda fo God inside Corint town. God make you guys spesho fo him cuz you stay tight wit Jesus Christ. He tell you guys fo come his spesho peopo! Dass jalike all da odda peopo all ova da world dat call out to Da One In Charge wen dey need help. Jesus Christ, he da Spesho Guy God Wen Sen, an he Da One In Charge a dose guys an us guys too.
ကြော်ငြာတွေ