1 Records 16:4 - Hawaii Pidgin Bible

⁴ David give da kuleana to some a da Levi guys fo work in front da Box Fo No Foget Da Deal Wit Da One In Charge, an fo make shua da peopo no foget Da One In Charge, da God fo da Israel peopo. An dey gotta tell Da One In Charge “Mahalo,” an tell erybody dat Da One In Charge good.

1 Records 16:4 ပူးပေါင်းရင်းမြစ်များ

Start 17:7

“I stay make dis deal now, jus fo me an you. Dis deal wit you, goin stay foeva! I goin be da God fo you, an fo all da peopo dat goin come from you bumbye, even afta you mahke.

Start 32:28

Da odda guy tell, “From now, yoa name no goin be Jacob. Yoa name Israel now, cuz you make fight wit God an wit peopo, an you win.” (“Israel,” dat mean “make fight wit God,” dea language.)

Start 33:20

Jacob put up one altar dat place, an he call um El-Elohe-Yisrael, dat mean “God, he da God fo Israel,” dea language.

1 Kings 8:15

He tell da peopo: “You know Da One In Charge, da God fo us Israel peopo! We like tell, he do good tings fo us! God wen make one promise to my faddah David befo time. An now, God use his powa fo do da ting he wen promise fo do.

1 Records 15:16

Same time, David tell da leada guys fo da Levi ohana fo pick some a dea braddahs fo come singa guys, fo sing da kine songs dat show dat da peopo stay real good inside. Dey goin use da kine tings dat make music: da twelve-string bass harp, da small harp, an da loud high cymbals.

1 Records 16:3

Den he give one roun bread, an one date bread, an one block press kine raisin fo ery Israel guy an wahine.

1 Records 16:5

Asaf, he da main guy fo all dat, Zekariah numba two, nex Jeiel, Shemiramot, Jehiel, Mattitiah, Eliab, Benaiah, Obed-Edom, an Jeiel. Dey suppose to play da bass harp an da small harp. Dea leada guy Asaf suppose to make noise wit da cymbals,

1 Records 16:8

Make shua erybody tell Da One In Charge, “Mahalo!” Call to him cuz you know wat kine god him! Make shua all da diffren peopos know Da tings he wen do!

1 Records 24:3

Zadok come from Eleazar, an Ahimelek come from Itamar. Wit Zadok an Ahimelek fo help him, David split da pries guys fo do wat dey suppose to do.

1 Records 25:1

David an da main leadas fo da work fo all da Levi guys, pick some a Asaf boys, Heman boys, an Jedutun boys. Dea kuleana, fo give da messages from God an use da bass harp, da small harp, an da cymbals fo do dat. Dis da names fo da guys an wat dey do:

1 Records 6:31

Dese da guys dat David put in charge a da music inside God house, afta da Box Fo No Foget Da Deal come fo stay ova dea.

2 Records 5:13

Da guys dat blow da trumpets an da guys dat sing, dey all play an sing togedda jalike one voice, fo tell Da One In Charge “Mahalo plenny!” an tell good stuff bout um. Dey sing togedda wit da trumpets, da cymbals, an da odda tings fo make da music, an dey sing good stuff bout Da One In Charge lidis: “Sing! Cuz Da One In Charge, he good Cuz he stay tight wit us guys foeva.” Right den an dea, Da One In Charge fill his Temple wit one cloud!

Ezra 3:10

Afta da builda guys pau make da foundation fo da Temple Fo Da One In Charge, da pries guys wen put on dea pries kine robe. Dey stan da place dey suppose to stan an blow dea trumpets. Da Levi ohana guys dat come from Asaf, dey bang cymbals fo tell good tings bout Da One In Charge, jalike King David befo time tell dey suppose to do.

Nehemiah 12:24

Da leada guys fo da Levi ohana was Hashabiah, Sherebiah, an Jeshua, Kadmiel boy. Dey stan one side an da oddas stan da odda side fo sing fo God an tell him “Mahalo!” jalike David wen tell um fo do, da guy dat stay tight wit God. Da guys one side sing, den da guys da odda side sing.

Songs 103:2

I tink lidis: “Tell erybody dat Da One In Charge, He da One give me da powa Fo do eryting!” An I no goin foget All da good tings he do fo me.

Songs 105:5

No foget all da kine tings he wen do Dat us guys no can do, Wen he do all kine unreal kine stuffs, An wen he judge da peopo.

Songs 106:48

Good fo tell erybody Dat Da One In Charge, Da God fo da Israel peopo, Stay do good tings fo us guys From befo time, an foeva! We like all da peopo tell, “Dass right!” Tell good tings Bout Da One In Charge!

Songs 37:1

Da guys dat do bad kine stuff, No let dem make you come huhu. An no go tink “I like be Jalike dem guys Dat stay do wass wrong.”

Songs 70:1

Eh God! Get me outa trouble! Eh! You Da One In Charge! Help me right now!

Songs 72:18

I like erybody tell good tings bout God, Da One In Charge, Da God fo us Israel peopo! Him da ony god dat do stuff Dass awesome fo real kine!