1 Records 16:30 - Hawaii Pidgin Bible

³⁰ Erybody on top da earth, stay sked an shaking in front him! No matta da earth stay solid an no can move um.

1 Records 16:30 ပူးပေါင်းရင်းမြစ်များ

1 Records 16:23

Erybody on top da earth, Sing fo Da One In Charge! Ery day, tell good kine stuff, Bout how he get us guys outa trouble!

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

1 Records 16:29

Tell az good fo show respeck Cuz you know wat kine god Da One In Charge! Bring presents an come in front him. Go down in front Da One In Charge fo show respeck, Cuz he stay good an real spesho.

1 Records 16:31

I like erybody inside da sky stay good inside! I like all da peopo on top da earth dance an sing. I like dem tell all da diffren peopos, “Da One In Charge, Him da King!”

Songs 33:9

Cuz he wen talk, eryting start. He wen tell wat gotta happen, An eryting come lidat.

Songs 76:8

From da sky, you wen tell, Gotta punish dem. All ova da world, Peopo no say notting, Cuz dey sked az why.

Songs 93:1

Da One In Charge, he da king! He stay awesome an strong Jalike he wear king kine robes! He wen put da world in da right place, An no mo notting can shake up Da world from dea!

Songs 96:9

Wen Da One In Charge let you see How good an spesho he stay, Go down in front him Fo show love an respeck! You peopos from all ova da world, Goin come sked an shaking in front him!

Songs 99:1

Da One In Charge, he da king! Az why all da peopos Stay sked an shaking! He get his throne Above da awesome angel watcha guys. Az why da groun shake too.

Isaiah 49:8

Dis anodda message from Da One In Charge fo his worka guy: “Wen da right time come, I goin tell you wat you like know. Wen da time come Fo me get da peopo outa trouble, I goin help you an take kea you. I goin make you da one Fo show da deal I get wit my peopo, Az fo real. I goin make da land fo dem use um one mo time, Da fields wea nobody work um long time, I goin give um back to da ohanas dat own um.

Jeremiah 10:12

Da One wen make da earth, was Da One In Charge, Cuz he get powa. He da One make da world stay how stay Cuz he know wat fo do erytime. Jalike he spread out da sky Cuz he know da bestes way fo make um lidat.

Colosse 1:17

Jesus, he stay dea firs, befo eryting, An eryting stay togedda cuz a him.

Hebrews 1:3

God Boy, he show how awesome God stay, Jalike wen da sun stay shine in one mirror. He stay same same jalike his Faddah, Same same jalike one picha Fo show how da Faddah stay fo real kine. Da tings God Boy tell, get choke powa Fo make eryting hang togedda. Afta he pau throw out da bad kine stuff da peopo do Fo dem come clean inside, He go sit down up ova dea in da sky, On da right side nex to God Da Awesome King. Dass da spesho place fo show how importan he stay.

Jesus Show 11:15

Den da numba seven angel guy blow his trumpet. Had real loud voices come from da sky. Dey tell, “Now da time! God an his Spesho Guy Christ get da powa Fo take ova an be King ova all da peopos inside da world. Dey goin lead da peopo foeva an eva!”