1 Records 16:3 - Hawaii Pidgin Bible

³ Den he give one roun bread, an one date bread, an one block press kine raisin fo ery Israel guy an wahine.

1 Records 16:3 ပူးပေါင်းရင်းမြစ်များ

1 Kings 3:15

Den King Solomon wake up, an he know was God wen talk to him inside da dream. He go back Jerusalem side, an stan in front da Box Fo No Foget Da Deal Wit Da Boss. He make one sacrifice dat you burn up, an da kine sacrifice fo tell God dat eryting stay good. He make one party fo all da peopo dat work fo him.

1 Records 16:2

Afta David pau make da burn up kine sacrifices, an da sacrifices dat show dat dem an God stay tight wit each odda, he tell Da One In Charge dat he like um fo do plenny good tings fo da peopo.

1 Records 16:4

David give da kuleana to some a da Levi guys fo work in front da Box Fo No Foget Da Deal Wit Da One In Charge, an fo make shua da peopo no foget Da One In Charge, da God fo da Israel peopo. An dey gotta tell Da One In Charge “Mahalo,” an tell erybody dat Da One In Charge good.

2 Records 30:24

King Hezekiah from Judah give 1,000 cows an 7,000 sheeps an goats fo da peopo.

Nehemiah 8:10

Nehemiah tell da peopo, “You go now. Go eat fancy kine food an drink sweet kine wine. Sen some food to da peopo dat neva get notting ready fo eat. Cuz dis day, you know, real spesho fo oua Boss! No stay sad inside cuz Da One In Charge make you guys feel good inside, an az why you strong.”

Love Song 2:5

Make me come strong wit raisins, Make me come new one mo time wit apples, Cuz I love him plenny, dat make me come weak!

Isaiah 16:7

Bummahs! Az why da Moab peopo Cry an yell togedda fo dea country. Dey make noise an cry, Cuz no mo da raisin candy from Kir-Hereset. Ony get bus up peopo ova dea.

Ezekiel 45:17

Da prince suppose to give da animal fo da burn up kine sacrifices, da wheat o barley sacrifices, an da drink sacrifices fo da spesho religious ceremonies, da New Moons, an da Res days, fo all da spesho religious ceremonies fo da Israel ohana peopo. He goin give da stuff fo da sacrifices cuz a da bad kine stuff dey wen do too, da wheat o barley sacrifices, da burn up kine sacrifices, an da sacrifice fo show dat da peopo stay good wit me, dat make da Israel peopo come pono wit me.

Hosea 3:1

Da One In Charge tell me, “Go show yoa wife one mo time dat you get love an aloha fo her, no matta anodda guy love her an she stay fool aroun wit him. Go love her, jalike me Da One In Charge still love da Israel peopo, no matta dey turn away an go wit odda gods, an dey plenny ono fo eat da raisin cakes from da ceremonies fo da odda gods.”

1 Peter 4:9

Give da peopo from anodda place one place fo stay an no grumble bout um.