All aroun Da One In Charge, Eryting stay awesome! Eryting aroun him show dat he da king! Inside da place dat stay spesho fo him, Can see how strong an unreal he stay!
“Faddah, I like erybody dat you wen give me come by me wea I goin stay, cuz I like dem see how awesome I stay. Cuz you get love an aloha fo me, an you wen make me awesome befo us make da world.
All you diffren peopos in yoa ohanas, Tell az good fo show plenny respeck fo Da One In Charge! Tell az good fo show Da One In Charge awesome an strong!
Nehemiah tell da peopo, “You go now. Go eat fancy kine food an drink sweet kine wine. Sen some food to da peopo dat neva get notting ready fo eat. Cuz dis day, you know, real spesho fo oua Boss! No stay sad inside cuz Da One In Charge make you guys feel good inside, an az why you strong.”
I wen spock someting, look jalike from da middo a his body up, look shiny jalike real hot kine metal, wit fire all aroun, an from da middo down look jalike fire. Get strong light all aroun him.