1 Records 16:24 - Hawaii Pidgin Bible

²⁴ Tell all da diffren peopos da One In Charge story bout How awesome Da One In Charge stay! Tell all da diffren peopos Da awesome tings he wen do Dat peopo no can do!

1 Records 16:24 ပူးပေါင်းရင်းမြစ်များ

2 Kings 19:19

Da One In Charge, you da God fo us guys! Help get us outa Sennakerib powa! Den all da kings in da world goin know fo shua dat you Da One In Charge, az da ony God dass fo real!”

1 Records 16:23

Erybody on top da earth, Sing fo Da One In Charge! Ery day, tell good kine stuff, Bout how he get us guys outa trouble!

1 Records 16:25

Cuz Da One In Charge real importan. Az good, wen peopo tell good stuff bout him! Stay sked a him Mo den you sked a all da odda gods.

1 Records 16:9

Sing fo show respeck fo him! Make music fo him! Sing fo tell bout da awesome kine tings he do!

Songs 22:27

I like fo da peopo all ova da world, tink plenny bout you An tell dat you, Da One In Charge, da God fo dem, An come back fo be yoa peopo. I like fo da diffren ohanas from all da nations Go down in front you fo show respeck.

Songs 26:7

Same time, I goin make shua erybody hear me tell Dat you da bestes. I goin tell da story Bout all da awesome kine tings you do.

Isaiah 66:19

“I goin do one awesome ting wea my peopo stay. Den I goin sen some a da peopo dat still yet stay alive to da odda countries: to Spain, an Libya, an Lydia (wea get plenny guys dat know how fo use da bow an arrow), an Tubal, an Greece. Dey even goin go to islans dat stay far away, wea get peopo dea dat neva hear bout me, an neva see how awesome I stay. Dey goin tell da diffren peopos ova dea, how awesome I stay.